الأتروبين .. دواء شائع ومتكرر .. تفضلو لحتى نفصفصو ^_^
رح فوت فوراً وبلا مقدمات مشان الـ suspense ^_^ .. بتعرفو إنتو مو حلوة بلا سسبنس ..
بشكل عام (( أقول بشكل عام )) يقلل الأتروبين من نشاط العضلات والغدد التي تنظم بواسطة الجهاز العصبي نظير الودي
(( إخواتي يلي لسا ما أخدو أدوية : منعرف كلياتنا إنو في جهاز عصبي ودي و نظير ودي .. صح ؟ .. حلو كتير .. بالأعصاب تبع نظير الودي : يوجد بنهايتها ما يسمى بالمستقبلات الموكسارينية (( بلا ما أشرح من وين إجت هالتسمية مشان ما نضيع عن الموضوع الأساسي )) .. تنبيه هالمستقبلات بالأستيل كولين (( الناقل العصبي الأساسي في الجهاز نظير الودي )) يؤدي إلى :
* تقبض العضلات الملساء
* زيادة إفراز العرق ..اللعاب ..الدمع ..العصارة الهضمية ..
* تقبض الحدقة
سؤال يخطر على بالنا فوراً : شو علاقة الأتروبين بكلّ هالكلام ؟
الجواب : شغلة الأتروبين هي التالية : ما بيحلالو يقعد إلا محل الأستيل كولين !! .. سبحان الله ! تارك الدنيا و لاحق الاستيل كولين وعم يجاكرو ويقعد محلو .. بكلام أكتر علمية : الأتروبين ضاد تنافسي للأستيل كولين عند المستقبلات الموسكارينية
(( كلمة تنافسي تعني : الأتروبين ممكن يزوق على دمّو بالأخير ويزيح للأستيل كولين ))
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الآن نناقش الأتروبين بصفتنا معالجين ..تركيز كامل شباب إذا بتريدو :
1- التأثير العيني :
الاستعمال الموضعي للأتروبين على العين يفيد كموسع حدقة .. (( الله يذكرك يا دكتور عماد : كان يقول : البنات بحطّو نبات ست الحسن يلي فيه أتروبين مشان يبينو عيونهم كبار ^_^ ))
ملاحظة لابد من ذكرها هنا : الأتروبين تقيل دم .. بدنا وقت كتير لحتى نتخلص منّو (( علمياً: يتدرك ببطء )) ولذلك نستعمل كموسع حدقة بدلاً منه : فينيل فرين phenylephrine.. (( جماعة الأدوية السنة الجاي : هالمعلومات حقها ذهب ^_^ ))
آلية توسيع الحدقة : (( روح قلبي الآليات ))
تتضمن الآلية باختصار :
#1 منع تقلص العضلة العاصرة البؤبؤية الدائرية .. (( أو المصرة البؤبؤية .... يلي بدكم ياه)) (( طبعا هذا التقلص يحفز بواسطة الأستيل كولين ))
#2 السماح للعضلة الموسِّعة البؤبؤية الشعاعية بالتقلص
يعني صارت العملية كالتالي : *تقلص لعضلات القزحية الشعاعية وبالتالي قصرها ... *ومنع عملية العصر بالعضلة العاصرة ^_^ وبالتالي كنتيجة نهائية : توسيع البؤبؤ
2- استعمال الأتروبين في الإنعاش :
في حال بطئ القلب : نستعمل حقن الأتروبين في معالجة بطئ القلب
إخواتي الأعزاء : العمل الأساسي للعصب المبهم في القلب هو : إبطاء القلب .. (( متل ما بتعرفو العصب المبهم هو نظير ودي )) .. وهنا نستفيد من خاصية الأتروبين الفريدة : كضاد لفعل نظير الودي .. وبذلك يكون فعله المعاكس الإيجابي : هو إعادة القلب للوضع الطبيعي
(( جماعة الأدوية مرة تانية ^_^ : إذا انتبهتو إنو ببداية حكيي عن المستقبلات الموسكارينية لاحظتو إنو كل الأفعال (( نرفوزية ^_^ : يعني تقلص .. زيادة إفراز .. تقبض ... كلها أعمال فيها أكشن)) طيب ليش هون قلنا إنو القلب بيتبطأ ؟؟ الجواب هنا : لأنو مو كل المستقبلات تحفيزية .. في مستقبلات موسكارينية تسمى تثبيطية .. كالموسكارينية في القلب ونرمزها : M2 ))
3- يعتبر صاحبنا ترياق للسموم الفوسفورية العضوية :
هذه السموم موجودة في المبيدات الحشرية (( لذلك بكرة إذا جابولك فلاح كان عم يبخّ الشجر بمبيد حشري .. أول شغلة لازم تخطر على بالنا هيي التسمم بالفوسفور العضوي .. ولازم نعطي أتروبين لحتى نشوف إنو توسعت حدقة المريض ... وبالتالي نكون أنقذنا حياتو ))
الآلية المفترضة هي نفسها : منع الأستيل كولين من الجلوس في المستقبلات الموسكارينية . لأنو السموم الفوسفورية : النتيجة النهائية لتخبيصها في الجسم هو زيادة الاستيل كولين عند المستقبلات نظيرة الودية
ونفس الحكي بالنسبة لغاز الأعصاب المستخدم في الحروب ..لذلك كانت القوات التي تتنبأ بهجوم محتمل بغاز اعصاب يحملون معهم حقن فورية للأتروبين .. ومجرد هوجمو بغاز الأعصاب بيطلعو الابر وبيحقونها بالفخذ وبيمشي الحال ..
( مارح أذكر كيف بيشتغل غاز الأعصاب لأنو بيصير الحكي كتير بعدين وبتملو وإيدكم بتروح على زر إغلاق ^_^ .... إذا بدكم منتناقش فيها بعدين )
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تذكروني بهالشغلة :
الأتروبين يعالج أعراض الـ SLUDGE الناتجة عن التسمم الفوسفوري العضوي !!
يا حزركم شو هادا الـ SLUDGE ؟؟
S=SALIVATION
الأتروبين يعالج زيادة اللعاب الناتج عن التسمم
L=LACRIMATION
الأتروبين يعالج زيادة الدمع الناتج عن التسمم
U=URINATION
الأتروبين يعالج زيادة الإدرار البولي الناتج عن التسمم
D=DIAPHORESIS
الأتروبين يعالج زيادة التعرق الناتج عن التسمم
G=GASTROINTESTINAL motility
الأتروبين يعالج الاضطرابات الزائدة في السبيل المعدي المعوي الناتج عن التسمم
E=EMESIS
(( تلفظ محتويات المعدة بشكل معاكس نحو المري بشكل شبيه بالقيء)) .. الأتروبين يعالج هذا القيء
فإذا : الأتروبين يعالج الـ SLUDGE
بالتوفيق
__________________________
- سـجل دخولك أو اشـترك الآن للمشـاركة في التعلـيق
- قرأت 447 مرة
روعة يا حبيب .... على كل إلي رجعة ... لبين ما أرجع وضح للاعضاء الاتروبين من وين بيجي و شو كان أول استعمال أله
__________________________يا بكرا اللي جاي .... خبر الأيام ....... اللي تألم على جرحه مش ممكن ينام
يا ليل انجلي ......... عتمك مش إلي ....... يا شمس انزلي ... اسمي على ادراجك ... ما ينساه النسيان
و مشيت بطريقي
(أبو مجد .. مثلك ما في حدا)
لك كل الشكر , على هالموضوع وبصراحة لسا ما قريتو ( ويمكن بدي كم يوم لإقراه ) لإن عم جهز حالي للـ ....
ذكر أول مرة في الفيزيولوجيا 1 ( يمكن كان مضاد للأستيل كولين ) وكانت القاعدة اللي استخلصتها :
أستيل كولين X الأتروبين X الإزرين ( X يعاكس )
( أستيل كولين = ازرين )
وسمعته تاني مرة بالوطني ( كان يعطى عند مرضى توقف القلب والحالات المشابه )
__________________________أتريد أن يفرج همك ؟
كان الرسول عليه الصلاة والسلام يقول عند الكرب :
لا إله إلا الله العظيم الحليم , لا إله إلا الله رب العرش العظيم , لا إله إلا الله رب السماوات ورب الأرض , ورب العرش العظيم
حلو كتير الله يعطيك العافية اخ حسان
تذكرت الدكتور وجيه السباعي شو قلنا بالمحاضرة الاولى عن مضادات استطباب الاتروبين
__________________________1 - تسرع القلب
2 - الزرق ( الغلوكوما )
3 - تضخم البروستات
4 - الاسهال
مشكووووووور بريفو ع الشرح الرائع
__________________________أيها المارون بين الكلمات العابرةكدسوا أوهامكم في حفرة مهجورة
وانصرفوا ....فلنا في أرضنا ما نعمل ولنا الماضي هنا ولنا صوت الحياة الأول ولنا الحاضر، والحاضر ، والمستقبل ولنا الدنيا هنا... والآخرة
فاخرجوا من أرضنا من برنا.. من بحرنا من قمحنا.. من ملحنا..
شكرا للجميع على المتابعة ...
جوني الغالي : الأتروبين مشهرو أنه من نبات ست الحسن (( ذكرت هالشي )) .. ويسمى علمياً بالبيلادونا
والشيء بالشيء يذكر : ليس فقط نبات ست الحسن يحوي الأتروبين وإنما أجناس أخرى من الفصيلة الباذنجانية (( والتي طبعاً تحوي ست الحسن ))
أما أول استعمال له .. تحديداً لا أعرف .. ولكن الشيء الطبيعي أنه كان يعتبر نوعاً من الانتحار على ما أعتقد .. لأنه يسرع القلب بشكل شديد جداً في الجرعات العالية .. شو صح كلامي أبو الجون ؟
شكرا كتير رح لقبك عبقري بلاسما او رئيس هيئة العلماء علي قد ما بتكتب مواضيع علمية الله يوفقك يارب
__________________________امنتك علي عشان لقتني مسدقاك
وعدتك بوقت الجد جنبك حتلاقيني
بسهر على راحتك وراضية اتعب معاك
وان ما تشيلكش الارض انا شيلك بعيني
بخصوص الأصل فمظبوط و بعتذر على عدم الانتباه
__________________________أما الاستخدام الأعتق فكان هو سبب التسمية للنبات حيث كانت السيدات الأيطاليات يخلطن مستخلص النبتة و هو الأتروبين بالكحل مما يسبب توسع الحدقة لديهن و يعطي العين منظراً اجمل (سواد فحم على بياض شاهق) و لذلك دعي النبات بيلا دونا (لاحظ دونا لوحدها تعني السيدة و ما زالت تستعمل الكلمة في اللغات الأوروبية الشرقية و الإسبانية)
المصدر طبعاً المعلم الأستاذ الدكتور وجيه السباعي ... على فكرة سمعت انو تقاعد السنة صح و لا غلط ؟؟؟
يا بكرا اللي جاي .... خبر الأيام ....... اللي تألم على جرحه مش ممكن ينام
يا ليل انجلي ......... عتمك مش إلي ....... يا شمس انزلي ... اسمي على ادراجك ... ما ينساه النسيان
و مشيت بطريقي
(أبو مجد .. مثلك ما في حدا)
يا سلام .. يا هيك الأترويين يا بلا
__________________________شهر المحرم حان ... واشتدت الأحزان
كلكم زوق يا جماعة كلللللللللللللياتكم
عليه توكلت وهو رب العرش العظيم
على فكرة سمعت انو تقاعد السنة صح و لا غلط ؟؟؟
له و لو جوني الدكتور وجيه لساه قائم على رأس عملو و من كام يوم اجا لعنا و عطانا مقدمة عن الادوية
__________________________الله يهنيكم بالمعلم
__________________________يا بكرا اللي جاي .... خبر الأيام ....... اللي تألم على جرحه مش ممكن ينام
يا ليل انجلي ......... عتمك مش إلي ....... يا شمس انزلي ... اسمي على ادراجك ... ما ينساه النسيان
و مشيت بطريقي
(أبو مجد .. مثلك ما في حدا)
the most common use of atropin is bradycardia, and with asystol you can't give atropin, the heart should be working for atropin to work.
the scond most common cause of atropin usage is poison as you have said, but it's not used until the other conventional methods were tried, like gastric salin wash.
__________________________be the change you want to see in the world...
For the first idea Dr. : That's a result I think so we didn't mentioned it by our speak .. Thank you very much anyway ^_^
and for the second one : I suppose that you are refering at phosphorism (( phosphoric poisoning )) ? .. if so ... I think the first emergency drug that is used for this situation is Atropine ..
waiting ur reply doc
anyway .. i do appreciate ur efforts dr.internal ... and welcome again
Today I read a good information about Atropine :
__________________________Theraputic Doses --> Tachycardia
Subtheraputic Doses --> Bradycardia .. this effect is thougt to be mediated by a central mechanism (Vasomotor center)
يا بكرا اللي جاي .... خبر الأيام ....... اللي تألم على جرحه مش ممكن ينام
يا ليل انجلي ......... عتمك مش إلي ....... يا شمس انزلي ... اسمي على ادراجك ... ما ينساه النسيان
و مشيت بطريقي
(أبو مجد .. مثلك ما في حدا)
dear Johnnie : In which level it works ? ... I mean in which type of CNS .. Don't you read this also?
قلنلاك المركز المحرك للأوعية بس إذا ماني متذكره هلق ما بذكر شغلة غلط
__________________________يا بكرا اللي جاي .... خبر الأيام ....... اللي تألم على جرحه مش ممكن ينام
يا ليل انجلي ......... عتمك مش إلي ....... يا شمس انزلي ... اسمي على ادراجك ... ما ينساه النسيان
و مشيت بطريقي
(أبو مجد .. مثلك ما في حدا)
aha now I recognize it ( Vasomotor center ) ... thanks alot for your hint