رابعة طب.. شو رأيكم نعمل مظاهرة سلمية؟؟

دخيل عيونك اياسو لا تنسى تجبلنا معها سمون لأني بحب الحلاوة مع السمون أكتر من الخبز

لك شو بالدور.. بدك يانا ناكل بهدلة وتقليعة بالدور واحد ورا واحد.. ما بيمشي الحال بدنا نفوت كلنا سوا.. واذا بتاخدو معكون شوية فتاش مشان التخويف وفرود خردق بيكون ممتااااز

بس يا اياس الأغلبية حاملين 3 مواد أو أكثر.. يعني اللي حاملين مادتين بس قلال كتير ما بيطلعو 30 أو 40 واحد واللي حاملين وحدة يمكن ما بيطلعو 10

تلميذك أب عصييير.. يعني أنت رفيقي من شي خشبين سنة كيف ما بدي كون هيك؟؟؟؟

اي والله يا ريت يا لانا لأن شكلون طلاب الرابعة نايمين وما حدا سائل ورح يندعس علينا بالفصل التاني أكتر اذا ضلينا ساكتين

اي اذا بتلبس علم اسرائل انت طبوش بكون ممنونك مشان نحرقك بآخر المظاهرة خخخ

فيها الشغلة فتيش وحرق اعلام وحرق بني آدمين بطلت اطلع بدرس المواد أظبط ما نفوت عالسجن

ما بدكون تدعسو عليي كمان !! ..

بسيطة اذا ما بسلط عليك ابن الدوش اسمو بتحبو بعض ^^ ..

جد جماعة الرابعة اذا بدكون جاهة يروح معكون انا جاهز ..

لك ابو اليوس شو قصتك انت يازلمة عنجد غريب يعني لو حامل مواد قدي على مر هالسنين شو كنت رح تعمل بالكلية عنجد الله يعين هالجامعة عليك

بس نصيحتي الك مافي غير حل وحيد هو انك تتبع سياستك الخرندعية من ضغوطات ونق نق نق نق يلي مارستا مع الدكتورة هيام

والله يوفقك ويوفقنا

أبو اللووووول يا غاااالي نورت حبيبي.. يا أبو شريك خلص سياستي الخرندعية بتصلح لمادة أو تنتين بالكتيرة مو ل4 .. خلاص انا أعلنت سحب السياسة القديمة وسأبدأ سياسة جديدة لما بشوفك بقلك ياها.. بس اذا كنت فاضي حول معنا عالمظاهرة منتسلى خخخ