هل تحضر محاضرات النظري ؟

حيك..
يعني بصراحة الأمر نسبي و لا يمكن التحديد فهناك دكاتره الحضور عندها مفيد و بعضها الآخر لا يكون ذو قائده عظيمة حيث أنه يكتفي بقراءه ما سندرسه بأنفسنا..و البعض فإن الحضور مضر أكثر منه مفيد..فيكون مضيعة للوقت.

كراش صبتها بكلامك بس شو بده يحكي اللي مجبر يحضر كل شي كرمال المحاضرات

شو مشان اللي مجبور يحضر كرمال المذاكرات؟

متمني يا جماعة احسب كم محاضرة غير لازمة حضرت خلال حياتي الجامعية حتى الآن لم يكن يحضرها زملائي و كنت أحضر فقط من اجل استلام محاضرة لتنزيلها .... اعتقد أني داومت 4 أضعاف ما داومه البعض ... و الله ظلم

الحضور في بعض المواد يكون ضروري
وأنا شخصيا بحضر كل المحاضرات لأني بحس أنو كل المحاضرات لازم تنحضر

الزميل عاشق البحر بالذمة هذا حكي ... يعني في كام دكتور ما بينحضرلهم بنوب و بالعكس روح نام احسنلك ... ما بعرف الوضع عندك بالصيدلة شلون بس في دكتور مشترك بينا و بينكم تبقى اسئلني عنه بالخاص و اقنعني إذا بينحضرله ....

يعني عن جد موضوع مضحك مبكي أنا بصراحة ما بحضر غير محاضرة وحدة بالأسبوع لأنو بحس حالي عم بفهم عالدكتور و عم بستفيد
أما باقي المحاضرات حدث و لا حرج دكاترة بشهوا الحضور
في مواد كنت احضرها و رسبت فيها وفي مواد ما كنت أعرف شكل الدكتور نجحت معدل فموضوع الحضور مو مقياس للطالب الشاطر

انا بحضر مراعاة لمشاعر الدكاترة
ماعدا مادة التشريح بحضرا لان هالمادة تقيلة وبدا حضور

احضر والحضور اكيد مفيد

انا بحضر وما بستفيد شي
رحبوا بي لاني عضو جديد

بصراحة انا بحضر وما بعرف ليش بحضر ما بنتبه وما عندي فضول لانتبه
احيانا بنام واحيانا برسم عالمقاعد

الحضور دائما مفيد , لإن إلا ما يرسخ ببالك شي معلومة من اللي انقالت بالمحاضرة

ولكن اللي بيختلف بين دكتور ودكتور هو : أسلوب الاعطاء , في دكتور بأسلوبه بحفظك المحاضرة من التكرار واستخدام اسلوب التبسيط , واستخدام الأمثلة اللي بتساعد على ترسيخ المادة فهادا بتكون نسبة الفائدة من الحضور عالية

أما الدكتور اللي بيستخدم أسلوب متل قراءة الجرايد والكتب فهادا نسبة الفائدة أكيد قليلة , والنوم بهالحالة أو القعدة بالندوة أكتر فائدة من 100 محاضرة .

للحضور أحياناً فوائد تشاهد في السنوات السريرية و هي موضوع المقابلة (فيلم ما هيك)

الحضور ..........

بدنا نضحك ع بعض ..........

شايف اللي عم يحضر ياأما شارد أو نايم أو مطروب.....

و إذا بيكون 10% من الموجودين مع الدكتور فهي نهاية العالم أكيد........

والاسباب انتو حكيتوواااا ما في داعي نعيد....

في بعض المحاضرات ما منو فليدة الحضولر
متل عنا في العلوم الصحية السنة الأولى
محاضرات الدكتور ناظم احمد ،اذا هو بقرأ من الكمبيوتر فليش الواحد يحضر

على راسي جودي

و الله كأنك عم تحكي عني

بحضر كل شي عدا التشريح

انا شخصيا كنت التزم بجميع المحاضرات من ناحية الحضور ..بعدين و جدت انو ما في شي بينحضر غير التشريح و احيانا بيكون في محاضرات منيحة وممتعة بالكيميا بينسجم الواحد فيها شوي ..اما الباقي ..لا تسألني ...الحضور مضيعة للوقت,لانو اذا جاي تشرد او تتاوب و تقنع نفسك انك عم تحضر فانت هيك عم تتضحك ع حالك !

بالنسبة للنظري انا بحضر فقط التشريح والباقي حسب المزاج

و الله أنا مع crash

الموضوع نسبي و ما فيك تلتزم بالخيارات الثلاثة المطروحة