سؤال لكل طالب صيدلة ؟؟
أضيف يوم الثلاثاء 2008/02/19 - 13:08
في حدا بعرف شو هيي الاختصاصات يلي مممكن ندرسها بعد التخرج
لاني لحد الان ماني متخيلة حالي قاعدة بصيدلية و عم بيع شامبو و فراشي سنان و اصرف وصفات
مع العلم انو اي شخص يملك ادنى مستوى من الذكاء و الدراسة يستطيع فعل كل ذلك
و اذا بدك تطالع مصاري كتير ....( و هدا شي طبيعي ) فما الك غير انك تلجا للطرق الملتوية
( دوا مهرب ..... مضاعفة اسعار الكريمات و غيرها ....... النصب على الدولة عن طريق صرف
القسائم الدوائية بطرق ذكية ) كما يفعل من هم عار علينا كلنا
و بالاخر بضل اسمك بيااااع ..........
طيب انت كطالب صيدلة شو رح تشتغل بعد التخرج .....؟؟؟؟
__________________________
لا تبك فأحزان الصغر تمضي كالحلم مع الفجر
فقريباً تكبر يا ولدي و تريد الدمع فلا يجري
- سـجل دخولك أو اشـترك الآن للمشـاركة في التعلـيق
- قرأت 154 مرة
الحقيقة ممتاز إنو السنة الاولى عم يفكرو هيك (( شي مبشر فعلاً ))
وبما إنك طالب سنة أولى لسا الطرق كلها مفتوحة قدامك وعلى رأسها إكمال الدراسات العليا في شتى علوم الصيدلة
(( الصيدلة برأيي بلا اختصاص = 0 ))
سلام
(( لي عودي بإذن الله ))
BK
فعلا متل ما أسلف بريف الاختصاص ممكن يكون أفضل الطرق و أجودها صحيح ما زال معالمه غير واضحة تماما بسوريا بس رح يكون له مستقبل ...
__________________________لهيك وخصوصا ميمو إنك سنة أولى انتبهي على معدلك لأن الطالب ما بيشوف إلا و المعدل بلش ينزل شوي شو ي...متل ما صار معي طبعا ...
مارح تظبط معك
والله فعلا موضوع بيستحق المناقشة و أنا متلك حابب اتعرف ع مجالات اختصاصنا .... الاختصاصات يلي بسمع فيا بعد الصيدلة ( تصنيع أدوية - تحليل مخبري)
__________________________عكل حال أكتر شخص بيقدر يجاوبنا عهالسؤال بريف هارت و تررم اذا فضتلنا شوي.....
منفكر في الناس و لا حد يفكر فينا ...... و منبكي على الناس و مين حيبكي علينا ......
موضوع يستحق الوقوف والنقاش ...
فعلاً موضوع يطرح نفسو
__________________________ENGLAND 4 EVER
MAN UTD 4EVER
لا تأسفن على غدر الزمان لطالما .. رقصت ع جثث الأسود كــلاب
لا تحسبن بغدرها تعلو على اسيادها .. والأسد اسد وال
في الحقيقة في اختصاصات كتير حلوة واذا بتحبي بشرحلك اياها بالتفصيل بس المهم شو ماكنت عم تدرسي يظل ببالك انو عندك رسالة
__________________________اردت لنفسي واراد الله لي فكان ما أراد الله ولم يكن ما أردت لنفسي
سؤال حلو ومهم كتير memo (خاصة لطلاب السنة الأولى) ، بس عدم مؤاخذة ؛ لسا ما صرلكم بالقصر غير مبارحة العصر ، ولسا ما بتعرفوا شي عن الصيدلة (كعلم) والشي الوحيد اللي بتعرفوه هو إنو الصيدلي قاعد بصيدليته وعببيع وعبينصب على هـ العالم ، وهذا شي واقع وما فينا ننكرو ، بس ما فينا نعمم ، لأن ببساطة أغلبية اللي قاعدين بالصيدلية مانون صيادلة، بتكون زوجته صيدلانية وهو كان نجار مثلاً وصار بقدرة قادر صيدلي خلال شهر زمان .
صيدلي بدون ماجستير لا يساوي الصفر أبداً ، بلعكس بساوي 100% ، بس شرط يكون ناجح بمهنته ومتعلم عنجد مو منجح موادو كيف ماكان وفرحان بالشهادة اللي عطوه ياها . وراح اثبتلك هالشي تماماً :
اجاكي مريض وطلب كورس Uniciclin (من مشتقات التتراسيكلين) فهون انت أمام حالتين :
1- صيدلي فاشل : بشيل ظرفين Uniciclin وبناولون للمريض وبياخد 35 ليرة ، وبقول (بكل ثقة) : فيها العافية
2- صيدلي ناجح : بشيل ظرفين Uniciclin وقبل ما يناولون للمريض بقوله : لازم تاخد الحبة بعد الأكل لأن إذا أخدتها على معدة فاضية راح يصير معك غثيان وإقياء ، ولازم ما تتناولون بشكل متزامن مع مضادات الحموضة أو مركبات حاوية على الكالسيوم أو الألمنيوم أو الحديد ولا تشرب مع الحبة حليب لأن رح يتشكل معقدات غير قابلة للامتصاص مع التتراسيكلين وما رح تستفيد شي من الدواء اللي عبتاخدو .، وبعدين بياخد 35 ليرة وبيقول (بكل ثقة) : فيها العافية.
مثال تاني : اجا مريض عمـ (يسعل) ، وطلب ظرف أسبرين لتسكين الصداع ، فهون انت أمام حالتين :
__________________________1- صيدلي فاشل : تكرم عينك وبشيل ظرف وبيعطيه ياه وبقول (بكل ثقة) : فيها العافية .
2- صيدلي ناجح : بيسأل المريض : هي السعلة عادية ولا ربو ؟ فإذا كانت ربو لازم ما يعطيه الأسبرين لأن بروح فيها المريض ، وبيعطيه بدالها باراسيتامول . فهون بتكون أنقذت حياة مريض بدون ما تكون دارس ماجستير ولا دراسات عليا ولا عامل رسالة دكتوراه (طبعاً أنا مع الدراسات العليا ، وإن شاء الله راح كمل دراسة بعد ما إتخرج) بس الصيدلي إذا بدو يكون ناجح راح يكون ناجح بإرادتو وراح يصير معو مصاري متلو متل الصيدلي الفاشل بس الفرق واضح .
Amaciar a carne
Fleisch zart machen
Ablandar
Vlees mals maken door erop te slaan of
والله يا ميمو الاختصاص كتير مهم وانا معك
اصلا الاختصاص هوي حلم كل طالب فينا
بس صدقيني انو هالايام ما كتير الطلاب عم تتشجع تكمل وانا
هاداالشى بعرفوا من رفقاتي الي تخرجوا باعتباري سنة خامسة
وكل رفقاتي الي عم يكفو اختصاص ندمانين على هالعلقة لانو متل
ما سمعت انو لهلأما فاتوا عالمخابر متل ما لازم
وبالنسبة للاختصاصات فانا بعرف انو في :
-مراقبة غذائية
-مراقبة دوائية
-سموم
-مخبر
بس للاسف ما في غير المخبر الي فينك تشتغلي في الا اذا كنت بدك
تطلعي لبرا فوقتا بتكون الخيارات مفتوحة ادامك اكتر بكتير
كنت انا متلك فكر بالدراسات وانو لازم كفي بس بعدين شلت
الفكرة من بالي ومع هيك لوقتا ما بعرف شو الله بيخلق
ومشان المعدل مانو معيار ابدا لانو الفحص هو الاهم بكتير بس
عالقليلة ما لازم يكون معدلك تحت ال70
وان شا الله لوقت ما تتخرجي بتكون الاوضاع تحسنت شوي
أنا مع يلي قال أتو الصيدلة مابس متل البياع لأن هالشي بيرجع للصيدلي نفسو ولتعاملو مع الاخرين لأن كتير ممكن تقلبي هالمكان يلي هو صيدلية لمكان عمل ما يتفدري تستغني عنو بس من ورا فرحتك بالتعامل مع المرضى والنصائح يلي عم تبديها خاصة لما بتكون مفيدة ونابعة من القلب عنجد وقتها بتحسي حالك إنسان مفيد زفعال ما بس عم تصرف وصفات وتعطي أدوية بدون أيا مناقشات وتفاعل مع الطرف الاخر
كل القصة بتعود لشخصية الإنسان وكيف بحب يكون
بس أكيد الاختصاص هو طموح وهدف لازملو إرادة وصبر وحب للعلم
وبالنهاية يلي مكتوب حيصير وأهم شي الثقة بالنفس وبقدرات الإنسان
شي حلو ....... وسؤال جيد
شكرا ميمو .... شكرا فؤاد ( عم يطلع معك ) ..... ان ما ذكره فؤاد صحيح ( احيانا بيطلع معو )
على الصيدلي ان يتعب على نفسه اولا لكي يكون ناجح ويتعلم من غيره والحياة العملية تعلمك الكثير
اما بخصوص السؤال
تقسم الصيدلي بشكل عام الى مخبري زصناعي وعلوم العقاقير والسموم والادوية
يندرج تحت المخبري ( العلوم الحيوية والمخبرية ) = ( كمياء حيوية + دمويات + مخبر بمايشمل الطفيليات والجراثيم )
يندرج تحت الصناعي ( الصيدلانيات + الصيدلة الصناعية + تكنلوجيا الصناعة + الصيدلة الحيوية + الصيدلة السريرية + الاصطناع الدوائي )
علوم السموم المختلفة المخبرية والجنائية
علوم الادوية المختلفة
اللهم ان لا اكون نسيت شيء ولي عودة عندما اتذكر
__________________________من صارع الحق صرعه
له يا 3njad نحنا منعجبك ولو
وقت الزنأة بتلاقيني جنبك مباشرة
صحي بيطلع معي أحياناً ، بس دائماً بيطلع معي شوفك بالكلية ومنتواجه
إنو من وين جايب تصنيف الاختصاصات هي ؟!!!
__________________________Amaciar a carne
Fleisch zart machen
Ablandar
Vlees mals maken door erop te slaan of
فؤاد العزيز : فعلاً حكيك حلو وجداً مفائل .. يا ريت كل العالم يصيرو يفكرو هيك
الصيدلة علم راقٍ جداً ... وعلم الأدوية الذي هو صميم الصيدلة علم واسع جداً و لا يتقنه أحد في الدنيا
____________________________________________
ولكن يلي قصدتو من كلامي إنو الصيدلي بلا اختصاص = 0 ... هوي إنو العالم ماعاد يدوّر أبداً على طالب متخرج فقط بدون مؤهلات أخرى ...
عندك كل سنة لا يقل عن 2000 طالب صيدلة متخرج (( هذا الرقم ستذكرونني فيه عند التخرج بعد حساب جماعة الجامعات الخاصة التي هي في تزايد هائل جداً ))
بقى يا شريك وين بدو 1/2000 فرصة لتوظيف شهادتنا بين هالكم الهائل من الألوف المألفة ؟؟؟
____________________________
وطبعاً حكيي نفسه ينطبق على كلية الطب .. طبيب بلا اختصاص = 0 .... أيضاً لنفس السبب ، العالم في تقدم مستمر و الصيدلاني العام أو الطبيب العام لن يكون له أدنى فرصة للنجاح والتقدم بعمله ورسالته الإنسانية بمجرد أنه يحمل شهادة عامّة
العالم كللللله (( وأعني ما أقول )) يجري وراء التخصص في كل المجالات ....
لديك اختصاص معين + لغات + مؤهلات أخرى >>>> أهلاً وسهلاً بك
ليس لديك سوى هالكرتونة = الشهادة الطبية العامة، سواء طب أو صيدلة (( الله يذكرك بالخير يا د.حسام .. بوجهلو تحية )) >>>> آسفون ، أنت لا تلزمنا ... لدينا ما يكفي من حاملين هذه الكرتونة
_____________________
وضع الصيدليات الآن برأيي الشخصي ..... نعم لديها رسالة انسانية ضخمة ولكنها بأيدي أناس للأسف لا يفقهون شيئاً (( ليس الكل وإنما الغالبية العظمى ))
وفهمكم كفاية ....
بعتقد هاد يلي عندي الآن ....
عنجد : أشكر نشاطك الرائع بالآونة الأخيرة .. بلازما يدين لكَ أخي الكريم بالكثير ... شكراً جزيلاً على توضيحاتك
_____________________________________________
كلمة طالعة من القلب للزميل العزيز ميمو : (( أخي بقلّو ميمو .. لذلك رح حكّيك على إني اخ كبير الك ))
memo : .... كون واثق إنو الصيدلة علم ليس كالعلوم الأخرى .... علم رائع .. ممتع ... تجد فيه ما يفيد في مجالات حياتك العملية دائماً .... فقط كن متفائلاً .. وضع هدفاً .. واعمل على تحقيقه منذ السنة الاولى .. وانشالله رح تذكرني بالخير لما تصير على أبواب التخرج وتقول بريف هارت معو حق ..
يلي بدو ينجح بحياتو ، لازم يبدا يشتغل على حالو من السنوات الأولى بالكلية (( بحث علمي في مختلف المجالات الطبية + تقوية لغة (( اللغة هاااااااااااااااااااامة جداً )) .... ))
موفق أخي وانشالله بكون هالموضوع بداية خير عليك
BK
brave heart
بشكرك جزيل الشكر ، ما لأنك أثنيت على ما كتبت ،لأ لأنك حطيت النقاط على الحروف
وبظن صارت الصورة واضحة ومكتملة بالنسبة لميمو
والله يوفق الجميع
__________________________Amaciar a carne
Fleisch zart machen
Ablandar
Vlees mals maken door erop te slaan of
شكراً جزيلاً للكل ..... رح ضل اتذكر نصائحكم
بس بدي ضيف شغلة مهمة ....:: اليوم احد الدكاترة خبرنا انو صار فينا بعد التخرج
نعمل سنة (ستاج) باحد المشافي ( متل بالطب يعني ....... ) و منشتغل بعدها بالمشفى
.........صيدلة مشافي
ما عندي كتير معلومات عن الموضوع بس الفكرة حلوة و لازم نستفسر عنها
اخي بريف هارت :شكرا على الرد و انا بعتبرك اخ كبير ....... بس فهمت من ردك
انك مفكرني شب !! !! الظاهر صار في التباس , مو مشكلة ...... بتصير كتير
بتمنالكم التوفيق ........ و اتذكروا دائما هدا التعريف البسيط للصيدلة
__________________________الصيدلة علم , و فن , و تجارة , و انسانية
لا تبك فأحزان الصغر تمضي كالحلم مع الفجر
فقريباً تكبر يا ولدي و تريد الدمع فلا يجري
فؤاد مشكووور الك وللطفك الكبير
خيتو ميمو (( منيح هيك
)) .... أهلا فيكي وواجبنا ننصحكم جميعاً . نحن طلاب السنوات المتقدمة ..
بس بدي منك تحكيلي أكتر على شغلة ستاجات المشافي لأنو أول مرة بسمع فيها
هاتي لنشوف خيتو فيدينا ...
سلامي
BK
شكراً جزيلاً للكل ..... رح ضل اتذكر نصائحكم
بس بدي ضيف شغلة مهمة ....:: اليوم احد الدكاترة خبرنا انو صار فينا بعد التخرج
نعمل سنة (ستاج) باحد المشافي ( متل بالطب يعني ....... ) و منشتغل بعدها بالمشفى
.........صيدلة مشافي
ما عندي كتير معلومات عن الموضوع بس الفكرة حلوة و لازم نستفسر عنها
اخي بريف هارت :شكرا على الرد و انا بعتبرك اخ كبير ....... بس فهمت من ردك
انك مفكرني شب !! !! الظاهر صار في التباس , مو مشكلة ...... بتصير كتير
بتمنالكم التوفيق ........ و اتذكروا دائما هدا التعريف البسيط للصيدلة
الصيدلة علم , و فن , و تجارة , و انسانية
فعلا محاضرة الصيدلانيات كانت اليوم شغلة كبيرة ... و الدكتور كان بيجنن (مشكور )... يعني فتحلنا عقولنا ع معنى الصيدلة و الصيدلاني الحقيقي ....
__________________________غير البياع و التاجر متل ما مفكرة كل الناس
و متل ما قالت memo حكالنا الدكتور عن سنة سادسة بالصيدلة ..
طلب الى brave heart : ممكن تحكيلنا شو معناة مفتش أدوية بالصيدلة؟؟؟؟ مشكور مسبقا
منفكر في الناس و لا حد يفكر فينا ...... و منبكي على الناس و مين حيبكي علينا ......
يحرق حريشك يا أبو الميش ..... بدي أحكيلك عن كل الدورة يلي عملتها معناها
بس بكلمتين .... في نوعين
مفتش أدوية دولي : وهو حلمي القادم انشالله : على مستوى شركات كبرى وعالمية (( يدخل في فرق التفتيش العليا ))
مفتش ادوية داخلي : يدخل بفرق التفتيش ضمن فريق وظيفته الرقابة على ضمان جودة الإنتاج الخاص بالأدوية و ضمان سير الأمور بالمعمل الدوائي بالشكل المطلوب و ضمان مطابقته لقواعد الـ GMP ... وعلى أساس النتيجة يكمل العمل في المعمل الدوائي بالطريق التي تسير قبل عمل التفتيش ..
** GMP = Good Manufacturing Practices
ممارسات التصنيع الجيد .... وهي قواعد عالمية لتصنيع الدواء بأعلى جودة ..
هادا بشكل مختصر كتييييييييييييييييير .. ولكن إذا سرحت زيادة رح تملّوا وتبطلوا تقروا ^.^
_____________________________
يلي حابب يعرف أكتر عن شهادة التفتيش الداخلي .. الرجاء المراسلة على الرسائل الخاصّة
بانتظار ميمو أو أبو الميش مشان يحكيلنا أكتر عن شغلة السنة السادسة بالصيدلة
سلامات
BK
كتير حلو الاهتمام بالمستقبل من هلق .. بالطب ( على صعيد الامتحانات الغربية ) و بالصيدلة ( على صعيد الاختصاص بعد التخرج )
يلي حابب يعرف أكتر عن شهادة التفتيش الداخلي ..
ليش ما بتنزلنا موضوع مفصل عنها أبو بريف؟؟
__________________________بريف هارت ألف مبروك وعقبال المفتش الدولي ان شاء الله
والله شي حلو كتير انو الطالب يكون عنده انجازات وهو لسا بالجامعة ,برافو (بهنيك من قلبي )
كتير حلو الاهتمام بالمستقبل من هلق .. بالطب ( على صعيد الامتحانات الغربية ) و بالصيدلة ( على صعيد الاختصاص بعد التخرج )
فعلا
ما شاء الله عنكم يا صيادلة بلازما , ان شاء الله بهمتكم رح نشوف دم جديد يجري في عروق الصيدلة
__________________________Thank you me dear trrm
شكرا للجميع ........... والى الزميلة ميمو ارجو ان يكونوا الشباب قد كفوا و وفوا
__________________________من صارع الحق صرعه
عبودي الغالي : عم أدرس تنزيل هالموضوع انشالله .... بس يلي عم يعرقلني هوي الأسلوب يلي فيه رح وصّل المعلومة .... لأنو معلومات هالدورة بالذات كتير تخصصية و صعبة الشرح .. بس تكرم عيونك وعيون البلازميين .. رح حط هالشغلة على قائمة أعمالي انشالله (( يلي بيسمع بفكّرني وزير ^.^ ))
بيور هارت : يا خيتو ... شو الواحد بدو يحكي قدام لؤلؤة بلازما ..... الله يسلمك ويخليكي ... منكم نستفيد انشالله .. ولو نحنا طلابك
...
وفعلاً انشالله هالجيل الجديد رح يغير اسم الصيدلة يلي شابه كتير لقب التاجر بالفترة الأخيرة (( تشويه بكل معنى الكلمة لعلم رائع وواسع جداً )) ......
بكلمتين أخيرتين : يلي ناقص الصيدلة ببلادنا (( بالنسبة للصيدلية )) هوي تطبيق نظام الرقابة .. وفقط
الشكر والامتنان للجميع
BK