مشكلة حقيقية عانت منها كلية الصيدلة هذا الفصل
السلام عليكم ...
_________
عانت كلية الصيدلة هذه السنة من منظر غير لائق عند لوحات إعلان العلامات ..
عندما تظهر نتيجة ما ، ترى الطلاب وقد أخذ كل واحد منهم بورقة واحتفظ بها بعيداً عن الحشود الكبيرة !! وكأن الورقة قد طبعت له وحده ، وليس هناك من اسم غير اسمه في تلك الورقة ..
ثم قد يعيدها وقد لايعيدها وقد يرميها كيفما اتفق بعد أن " أمّن على علامته " .. للأسف الشديد ...
بعدما يرحل الطلاب ولايبقَ أحد ... تظهر مشاهد ، تأسف العين أن تراها في كليتنا .. ولكن يجب أن نسلط الضوء على هذه المناظر " اللا حضارية .. مع أسفي " كي نعِ حجم المشكلة و نسعى في ضبط أنفسنا قدر الإمكان
المشكلة الأبرز هنا ، هي أن الطالب أو الطالبة عندما يريد أن يعرف علامته بعد ساعة مثلاً ، يحتار في أي زاوية من زوايا الحائط ستكون " مرشوقة " !!!!
سأترككم مع الصور التي أخذتها بنفسي يوم الخميس 28-2-2008 .. حوالي الساعة 3 بعد الظهر ..
دمتم سالمين .. وأرجو أن نلغي هذه الظاهرة من كليتنا العزيزة ..
وأن نكون جميعاً على قدر المسؤوليـــــــــــــة
ســـــــــــلامي لكم جميعاً
BK
__________________________
- سـجل دخولك أو اشـترك الآن للمشـاركة في التعلـيق
- قرأت 109 مرات
شكرا حسون ............
بس لازم يصيرعنا متل الطب يعلقو العلامات على شي board.. و يكونو مكبوسين ....
ع فكرة نهار الخميس كانت وراق علامات العربي ناقصين تنتين بعد شي ربع ساعة من وقت ما نزلت العلامات
(يمكن شي حدا اخدون معو عالبيت............) يعني يا ريت بس مرشوقين ع الأرض...... 
__________________________منفكر في الناس و لا حد يفكر فينا ...... و منبكي على الناس و مين حيبكي علينا ......
لا حول ولا قوة الا بالله
__________________________بالفعل شي غريب..
عليه توكلت وهو رب العرش العظيم
حطيت إيدك عالجرح تماماً brave heart
أحياناً بتنزل العلامة وبصير تدافع الشباب تقول على مخبز
وبتضيع الأوراق ، وبتجي صبية مسكينة بدها تعرف علامتها بعد ما تهدا الأمور ما بتلاقي الأوراق
فبتروح عالهيئة الإدارية بتلاقيها مسكرة
بتروح عالإمتحانات الساعة 2:05 بتلاقيهم خلصوا دوام ، وبكون نهار خميس
بقا بدها تستنا ليوم الأحد لحتا تعرف علامتها
والله يكون بعون هالخلق
__________________________Amaciar a carne
Fleisch zart machen
Ablandar
Vlees mals maken door erop te slaan of
الحقيقة صور تثير الشفقة علينا نحنا الصيدلة ..
و ذكرتني بريف بهالموضوع لحتى ضيفو للتحقيق اللي بيتناول واقع كلية الصيدلة ..
__________________________فعلا معك كل الحق اخ حسان بس لازم نحن ندور على الحل دون انننتقد وكانو نحن مو من ها الكلية وسمعته من سمعتنا
__________________________صلا مو بس ها الشي مزعج بس عنا انا مرة رحت لحتى اشوف علامات طالب في كلية الطب وتفاجئت انو الورقة كانت عند المخابر ؟!!
ياترى شو السبب وشو الحل الحضاري
لااحد يعلم
اردت لنفسي واراد الله لي فكان ما أراد الله ولم يكن ما أردت لنفسي
شكرا حسانو فعلا ظاهرة غير حضارية وكلنا عم نعاني منا وأنا مرة ضليت دور على علامتي بالعملي يومين لحتى لقيتا...
بس أنا بشوف أنو الحق الأكبر مو عالطلاب (مع أنو كمان عليون جزء من المسؤلية)...
بس أساس المشكلة والخطأ بعود للإدارة يعني بأغلب الكليات العلامات ببتعلق ضمن لوحات زجاجية مغلقة (متل لوحة الإعلانات
يلي فيا البرنامج) وهيك ماحدا بيقدر يطالع الوراق
يعني مستحيل يكون في كلية أو أي وسط ما يلتقى فيو طلاب (أو ناس)بلا مسؤولية وبيتصرفو بلا مبالاة بس ما معقول نحنا نترك الأمور هيك وننطر ليصير كل الناس فيون ذوق .... خصوصا بهيك موضوع الحل فيو مانو كتير صعب..
بعدين غير هيك بالأصل المحل المخصص للعلامات كتير صغير ومو كافي والوراق بتصير فوق بعضا لهيك الطلاب بيتطرو يشيلو الوراق ليشوفو شو في تحتا ...
ولي زاد الطين بلي أنو العلامات صارت ما تنزل غير مرة بالأسبوع وبالتالي صار ينزل 5،6 مواد سوى وهادا سبب فوضى أولا بكترة الطلاب المجتمعين عاللوحة وتانيا بكترة المواد يلي بالأصل مالا محل كافي باللوحة....
شو بدنا نحكي لنحكي ...
يا ريت وقفت عند هالشغلة كنا رضيانين...
__________________________بس المشكلة لا حدا مهتم ولا حدا سائل عن الطلاب...
عالسيرة في ظاهرة كتير حلوة لاحظتا بكلية المدني وكمان بطب الأسنان وقت درست فيا..
كل سنة إلا لوحة علامات خاصة فيا (طبعا مسكرة بزجاج)
والعلامات الطالب كلا بتزل جنب بعض (يعني بيعملو جدول متل هاد مثلا :
اسم الطالب ميكوبيولوجية تحليل آلي صيدلية مجتمع كيمياء صيدلية سموم أدوية
أحمد المحمد 52 58 75 85 63 79
سامر عوض 58 46 36 66 50 63
.
.
.
.
وكل مانزلت ماادة بيضيفوا عالجدول ..
وهيك الطالب ايمت ما اجا فيو يشوف كل علاماتو مو إذا تأخر ساعة بتروح عليه وقعود دور على علامتك ...
__________________________ما ظبت معي كتابة الجدول بس بظن الفكرة انفهمت....
__________________________أهلاً بالجميع .. وشكراً لمداخلاتكم ...
ريناتو العزيز :
إذا بدنا نبني كليتنا صح لازم نبنيها من نفسنا وعالقليلة الشغلات يلي منقدر عليها نحنا الطلاب
أمور العلامات و سحبها بطريقة مخجلة بعتقد إنها أمر طلابي بحت وللإدارة شأن صغير فيها مهما كان
العلامات للطلاب جميعهم .... وبعتقد إنو نحنا نتحمل كامل مسؤولية هالمنظر يلي شايفينو بالصورة ...
هي وجهة نظري ...
(( الله حيّك ريناتو .. يا زلمة حاسس إنو صرلي شريك بالسنة الرابعة وأحكي معو و نتناقش ونتبادل آراء مختلفة . وين كنت مخبّى !!! ^.^ ))
وانفهمت وجهة نظرك تبع الجدول ... الله كريم ( هيي تنحل شغلة هالفوضى وكل شي ممكن ))
ولا ننسى زميلنا not available .. الزميل المجهول الهوية ^.^ . أهلا وسهلا بك . على أمل انضمام البقية قريباً ..
تحياتي لكم وحبي
BK
يالطيف شو هاد الله يجيرنا
بيعين الله الا وما نصير خلق وعالم
شايفة يا خيتو غاردينيا شايفة ....
أعود وأكرر لا ألوم إلا أخواتنا الطلاب على هالفعل .....
بعين الله والا ما يزبط الوضع يوما ما ...علينا ان نوصل الواقع هنا في بلازما ونبحث عن الحل في أنفسنا قبل كل شيء
BK
والله معكم حق هالمرة رح كون مع الإدارة ...يعني الحق بهذه الظاهرة 100% على الطلاب صحيح أنو اللوحة اللي بيتعلق عليها مو هالقد ... بس كمان يعني لو الزملاء عندن شوية إحساس بالمسؤولية ما بيرموا الأوراق هيك و هنن بيعرفوا تماما أنو في زملاء آخرين ما حصلوا على علامتن و مو حلوة يشيلوا الأوراق من تحت رجلين الواقفين ...
__________________________و انشالله يقدر الزملاء تفهم شعور الآخرين و يلتغى هالمظهر المقزز
مارح تظبط معك
إي والله يا كيدو كنا ندور ع العلامات بالأراضي و بالكوريدورات ,شو بدك تساوي , سلام
__________________________بالفعل مأساة ...
وين الحضارة .. اذا نحن ما عطينا صورة منيحة مين بدو يعطي ؟؟
الحقيقة فعلا شي بيخجل هالمناظر ..
مشكور حساان .. بالفعل معك حق تنزعج
__________________________Do not say Impossible
أعط دائما لأنه
"مغبوط هو العطاء أكثر من الأخذ"
الموضوع فعلا" مؤسف
__________________________انا عانيت منو وقت ضليت شي نص ساعة عم دور ععلامة العربي
عكلن شكرا" لطرح الموضوع و انشالله بيتحسن الوضع عالفصل الجاي
حاول ان تساعدني...
فإن من بدأ المأساة ينهيها...
و إن من فتح الأبواب يغلقها...
و إن من أشعل النيران يطفيها....
بالفعل حطيت ايدك على الجرح
و الاضرب من انو الوراق مفروضة بالارض ...............
كمان كل وحدة عليها ختم بوط شي حدا .............يعني مو عيب انو الواحد يدعس على اوراق امتحانية
الحق الاكبر يقع على المسؤولين ........ معقول ما عندن كم مسمار يثبتو فين هالورق
شو رايكم نعمل لمة لشراء المسامير ..............
على القليلة الورق ما رح يوقع من نسمة
مشكور اخ بريف
__________________________لا تبك فأحزان الصغر تمضي كالحلم مع الفجر
فقريباً تكبر يا ولدي و تريد الدمع فلا يجري
حسانو وببروف:
أنا معكن 100% أنو الحق الأول عالطلاب وما معقول هالتصرفات وكأنو نحنا موطلاب جامعة وصيدلة كمان... شو تركنا لغير عالم
بس أنا بحكي ما قصدت بري الطلاب من المسؤولية بالعكس.... بس وجهة نظري يلي حاولت وصلا أنو يا أخي الحق عالطلاب، وعندك بالهلكلية 700 طالب لنفرض بس 5% منون بلا مسؤولية بيطلع عندك 35 طالب أي هدول بيعملو العمايل ... والحق عليون 100% .... طيب باقي الطلاب يلي مالون ذنب وما عم يلاقو علاماتون شوذنبن؟؟؟؟...
معقول نقعد ننطر ليذوقو كل العالم ومنتفرج ومنقول الحق عالطلاب؟؟؟... ولا مندور عالحل يلي بيمنع المسيء من الإساءاة وبأمن حق الطلاب بمعرفة علاماتون بسهولة وكرامة؟؟؟...
يعني إذا انت عندك دكانة وكل يوم بتتركا مفتوحة وبتروح عالبيت وبترجع الصبح بتلاقيا مسروقة.. شو بتعمل؟؟؟
__________________________بتقول الحق عالحرامي والسرقة مظهر مو حضاري وما بيصير بقى تسرقو....ولا بتحط قفل للدكان؟؟؟
فعلا المنظر مؤسف جدا
__________________________يعني شي غريب فعلا أنه بعد دقايق من تعليق العلامات بتختفي نص الأوراق وبتبدأ عمليات البحث عن العلامات
انشالله يختفي هالمظهر غير الحضاري الموجود بالصور
أخي حسان شكرا إلك والله يعطيك العافية
where there is awill there is a win
يا شباب بس سؤال
.... العلامات السنة الماضية و قبلا كانو ينزلو بنفس الطريقة ولا كيف ؟؟... يعني المشكلة بس هالسنة ولا من قبل؟؟؟ 
شكرا........ز
__________________________منفكر في الناس و لا حد يفكر فينا ...... و منبكي على الناس و مين حيبكي علينا ......
كيفك ابن العم؟
جوابا عسؤالك : تقريبا بنفس الطريقة بس غالبا كانو يسبتو الوراق بدبابيس (يعني أشوا بشوي)...
وبعدين العلامات كانت تنزل على مدار الاسبوع مو بس الخميس وبالتالي ما كان يصير عجقة وراق عاللوحة أولا ، ولا عجقة طلاب تانيا
يعني باختصار كانت تتحملا الورقة شي يومين تلاتي لحتى تنشق
.
__________________________