المعالجة الدوائية للزرق .. Glaucoma .. (( مهدى لـ STAR007 ))

شكرا ابو بريف..ونيالك يا ستار3356
لابريمافيرا: استخدام الاسيتازولاميد سيكون موضعي(قطرة عينية)..

1 - والله يا لابريمافيرا سبقتيني بسؤالك الأول ...
وأنا عم اقرا هالموضوع وشفت البروستاغلادينات خطرلي نفس السؤال ... بس قلت هلأ بكون الكل بيعرف الجواب وأنا الوحيدة ما بعرف ..وكنت بجانب الوالدة العزيزة (على فكرة الوالدة طبيبة ..بس طبيبة أسنان )
قمت سألتها ( أنو شو هي البروستاغلاندينات ... قامت شرحتلياهن بس من وجهة نظر دوائية ... )
بس أنا كان بذهني سؤال تاني عن علاقتها بتقلصات الرحم متل ما أخدنا بالجنين ... فشو علاقتها بالعين ؟؟؟ وهادا اللي ما قدرت أعرفو..
إذا ممكن بريف تجاوبنا عليه ...
2- أنزيم :: Carbonic AnHydrase
مين المسؤؤل المباشر عن إفرازه ؟؟
3 - وإذا ما في مانع تذكرني بناهضات المستقبلات a
لأني حاولت اتذكر وين شرحتليان لنايت ستار .. بس ما قدرت اتذكر

معليش بجوز تقلت عليك بالأسئلة ... بس بدي عوض عن موضوع الكورتيزون ... اللي إجيت فيه متأخرة

وين أنا سمعاني بهالاسم ياترى؟؟؟؟
شكرا بريف على مواضيعك المفيدة

طر إلى الله بجناحين .. من حب له .. وثقة به ..

أهلاً لولي .. كيفك ..^.^
___________________

لا تآخذيني مشان الله .. بس بعد ما نزلت ردي السابق انتبهت أنو لولي منزلة أسئلة لذلك لعيونك هي الاجوبة يلي بقدر عليهم :

السؤال تبع الـ PGs تقاسميه انتي وبريمي .. بس بالعدل ... الله يرضى عليكم ^.^

2- أنزيم :: Carbonic AnHydrase
مين المسؤؤل المباشر عن إفرازه ؟؟

الأنزيمات لا تفرز !؟ .... الأنزيمات تصنع داخل الخلية كونها بروتينات بالدرجة الاولى ...
ولذلك هذا الأنزيم (( Carbonic AnHydrase )) يصنع في خلايانا ... ويوجد كما ذكرت سابقاً بكميات كبيرة في العين ويوجد في الكلية ويوجد في البنكرياس ...

عمله هو التالي (( إذا عرفتو عمله رح تتذكروه دايماً )) :
يتواسط تفاعل الماء مع الـ CO2 ليشكل حمض الكربون H2CO3 (( في الواقع دوره هو تسريع هذا التفاعل لأن هذا التفاعل يمشي بالاتجاهين دوماً ولكن بشكل بطيء ومتوازن ))
حمض الكربون هذا ... الناتج يعني .. هو مادة ضرورية في إنتاج وتصنيع العديد من المفرزات ..

__________________

مشان ناهضات المستقبلات a .. كمان تكرم عيونك ..
رح يمر معك بالادوية قريباً شغلة اسمها المستقبلات Receptors ...
وفينك تتصوريها كأنها قفل عم ينتظر مفتاحو ..
والمفتاح هنا هو عبارة عن نواقل عصبية بالدرجة الاولى (( اذا واحد طبيعي ما فيه شي مثلاً ))
مثال :
المستقبلات a1 موجودة في الأوعية الدموية ...
عندما يغضب أحدنا يفرز جسمنا الادرينالين (( كلنا منعرفها اكيد )) ... وبقولو الواحد ارتفع ضغط دمّو ..طيب كيف ؟؟؟؟
رجعنا لفرضية القفل والمفتاح ... اجا الأدرينالين (( المفتاح )) وفعّل المستقبلة (( a1 )) .. وظهرت الاستجابة على تقلص لعضلة الملساء الخاصة بالوعاء الدموي >>>> هذا التقلص يترجم كارتفاع في ضغط الدم
(( رح تمر معكم معادلة قريباً وهي : ضغط الدم = المقاومة المحيطية * النتاج القلبي ))
وفي حال زاد النتاج القلبي او زادت المقاومة المحيطية رح يزيد ضغط الدم

وفي حالتنا هنا .. زادت المقاومة المحيطية ... بسبب تقلص العضلة الملساء ..

هلأ نحنا كمعالجين مارح ننتظر السيد الأدرينالين لحتى يجي عالعين وينبه المستقبلة a وبكون المريض رح يموت من الوجع ...
نحنا منعطيه أدوية تنبّه هذه المستقبلة .. (( الأدوية تلعب نفس دور المنبه الطبيعي تماماً ))
وبالتالي وبسبب ميكانيكي رئيسي فإن تقلص العضلة الملساء سوف يلعب دور باب الأوكورديون (( الذي شرحت فكرته في ردي على بريمي ))

-----------------------------------

نورتي الموضوع لولي ... على طول تعي مبكرة .. والله لا يعطل كمبيوتر حدا .. ^.^
أبو بريف .. الله يخلينا ياه يا رب .. اي اي صح هادا انا صحي ^.^

سلامي لكم جميعاً
BK

أهلين بلولي والله ...

لا والله يا خيتو لسا ما حدا ما تطرّق للسؤال (( شلون العربي ؟؟ تطرّق ^.^ ))

طيب مساعدة : السؤال مستوحى من الصورة ... (( وحاج تستدرجوني أحسنلكم هه ^.^ ))

هاتو لشوف
BK

جمعة مباركة للجميع .. انشالله تكون جمعة رضا و امان عليكم جميعاً أخواتي ...

_______________________________

لولي المثابرة ... سؤالك بمحلو تماماً ..

هلأ سؤالك هوي لساتو موضع أبحاث ولكن الآلية الفيزيولوجية أصبحت واضحة نوعاً ما ..

الآلية هي التالية :

لوحظ أنه في مرض الزرق .. هناك ارتفاع كبير في الضغط في الجزء الأمامي للعين مقارنة مع ضغط صغير جداً في الفراغ فوق الطبقة المشيمية (( التشريح بتعرفوه أكيد ))
قالوا العلماء : ليش ما منفتح هالفراغين على بعضهم ومنخفّض الضغط جوا الجزء الامامي من العين ...؟؟؟؟
وفعلاً كان هادا هوي المصرف رقم /2/ .... و كانت نتائج حلوة ومريحة للمريض ..
(( الحل الجراحي أيضاً وارد بهالطريق .. عن طريق توسيع فتحة بين الطريقين .. ولكن أيضاً هذا موضع أبحاث ))

الله حيّك لولي ..
________

(( السؤال لسا ما إجا يلي بدي ياه ^.^ ))
جمعة مباركة مرة أخرى للجميع . وجاهز لاستفسارات قادمة بإذن الله
BK

بريمي .. بريمي ... تسأل من جديد .. أحسنتِ

الجسم الهدبي ...Ciliary Body .. هو عبارة عن عضلة هدبية ... ونتوءات هدبية
(( هذه النتوءات تتصل بالأربطة المعلّقة والتي تربط الجسم الهدبي بالعدسة ))

كونك سألتي عن الجسم الهدبي .. بيسعدني قلك إنو الخلط المائي بيفرز من النتوءات الهدبية (( بتقول بريمي . قديييييييييييمة ^.^ ))

طيب ومشان الفائدة تعمّ ..... شو اسم هالنتوءات بالانكليزي ؟ .. مشان تحطو ببالكم من هلأ إنو اللغة الطبية الانكليزية غير اللغة الانكليزية المحكيّة العادية ...

الاميركان لما بدن يقولو عن شي ناتئ بقولو : protrusion .... بس المجمع الطبي ما بقول عن النتوءات الهدبية أنها Ciliary Protrusion .. وإنما بقول شغلة تانية . شو بقول ؟؟؟

مشان سؤالك .. ما عندو طريق لحتى يطلع لأنو ؟ ... كيف بدو يطلع والأربطة مسكرة عليه الطريق ؟ .. اي حطّي حالك محلّو ... والله صعبة الله يعينو ..

______________

أحسنتم .. إلى الأمام .. علماء بلازما..
BK

آآآخ منك يا بريمي ..
مشتهية مرة وحدة أسبقك وجاوب قبلك ..
ما شاء الله عليك
بريف
يسلمو على التوضيح عن سؤالي
بس إذا ما في مانع عندك في إلي سؤال صغير ولو انو خارج الموضوع شوي
وأنا عم ابحث عن اسم الناتئ الهدبي... مرق معي zonula ciliaris وطلع ترجمتو النطيقة الهدبية ... ممكن افهم شو هي؟؟؟ وشو دورها بالنسبة للجسم الهدبي ؟؟؟
خيو
لسا لهلأ ما حدا سألك هالسؤال .... والله صار عندي فضول أعرفو
ولا قلك ما تقولو... بركي بعرفو لحالي

طر إلى الله بجناحين .. من حب له .. وثقة به ..

::: لولي ::: ...
أهلاً وسهلاً ... أحيي فيك الاندفاع ...
سؤالك بصراحة أول شي ما عرفتو ... لأنو ما بعرف انا كمان شو هيي النطيقة الهدبية ..
بس هلأ بدي قلك شكراً لأنك خليتيني أبحث وأعرف شو هيي ...
مشان التوضيح ... رح نزّل صورة ... تفضلي :
(( سؤالك هنا هو الـ Zonules نفسها ))

وشارحين عليها التالي :
موضع الغشاء الزجاجي (( يلي بيتضمن داخله الخلط الزجاجي )) والذي عنده يتحول إلى النطيقة الهدبية : مبين بشكل خط منقط ....
(( هلأ انا فمهت من هالحكي إنو الغشاء الزجاجي يولّد النطيقة الهدبية ..... معلومة ظريفة ^.^ ))

مشان السؤال يا لولي ... مبين بريمي جايبتو ... تعي لنشوف ...

__________________________________

::: بريمي ::: ....يا هلا يا هلا يا هلا
اي طبعاً هادا يلي منتظرو . يحرق حريشكم .... الطريق الأول شلون منستخدمو بالعلاج ؟؟؟؟

من أشيع أدوية الزّرق إخواتي هوي (( البيلوكاربين )) ... دواء مقلد نظير ودّي (( في جهازين بالجسم متلازمين .. جهاز عصبي ودي وجهاز عصبي نظير ودّي . باكالوريا ^.^ ))

هذا الدواء يفعل نشاط الجهاز العصبي نظير الودي وبالتالي يقبض الحدقة ..ويزيد التصريف من الطريق/1/

ويلي قاري موضوع الأتروبين وبيعرف إنو موسع للحدقة (( بيستنتج فوراً أن الأتروبين شالّ لنظير الودي أو حالّ لنظير الودي ))

هدول المصطلحات لازم تعرفوهم من هلأ وتتعودوا عليهم .. الله يخليكم ....

__________________

كتير كان حلو هالموضوع بالمناقشات الحلوة ... دمتم بخير
سلامي لكم
BK

::: بريمي ::: أهلا والله .. (( وش عم يكز على سنانو من قهرو ^.^ .. مزح طبعاً ^.^ ))

أصلاً حلاوة هيك مواضيع بالمناقشات يلي بتصير مشان تتثبت المعلومة وهادا هدفنا بالمنتدى العلمي

___________

والله إنك شطّورة .... وذكية كمان ...

فعلاً :

العتمة بتضر مريض الزرق .. لأ يا ستنا اكتر من هيك .. ممكن تحرض نوبة زرق حاد عند الأصحاء ..

لذلك السبب الاول من وراء القائلة : (( يا طلاب لا تدرسوا على ضوء خافت )) هو الخوف من نوبات الزرق الحاد ...

برافو بريمي ..

__________

سلامي لكم
BK