تتمة حب الشباب .. المعالجة الدوائية لهذه الحالة (( مهدى بالطبع لبريمي ))

السلام عليكم الشعب العربي الشقيق في بلازما ..

وضعت :: بريمي :: موضوع بعنوان حب الشباب وشملت به الأسباب والعلامات :

رابط الموضوع : http://www.plasma-sy.com/?q=node/2556

وقد تعودنا في بلازما أن تكون الهدايا علمية ... وبدوري أهدي بريمي هذا الموضوع
(( يا جماعة بدي أفسدلكم على بريمي .. صارت هاديتني شي 5 هدايا .. قولولها توقف لأنو ماعاد إلي قدرة رد على هداياها ))

______________________________

بسم الله بدانا ...

موضوعنا اليوم هو موضوع علاج حب الشباب دوائياً ....وسيكون مختصراً مفيداً لأن المواضيع الدوائية تبقى جامدة لأنها عبارة عن أسماء جامدة ..

1- قاتلات الجراثيم الموضعية : Topical Bactericidals

أشهر مركب هو بنزويل بيروكسيد .. (( في اتقل دم من هيك اسم ؟؟؟ ))

طيب رح اطلع شوي عن الموضوع مشان يتثبت اسمه للمركب بذهنكم :

تعو نفصلو كيميائياً :

بنزويل : معناتو في حلقة بنزن (( يلي كلنا منعرفها ))
بير : يعني فوق
أوكسيد : هو الاوكسيد يعني اوكسجين

يعني فعله مؤكسد قوي جداً (( متل الماء الأوكسجيني ... لأنه أيضاً فوق اوكسيد أو بيروكسيد ))

-----------------

2- المضادات الحيوية الموضعية أيضاً : Topical AntiBiotics

هدفها : هو القضاء على الجراثيم الجبانة يلي أخدت من الجريبات المسدودة مقراً لعملها المخرب

المضادات الحيوية المستخدمة هي : اريترومايسين - كليندامايسين - تتراسيكلين بشكل عام

نستفيد من خاصية مهمة جداً هنا : التطبيق الموضعي لهذه المضادات الحيوية يجنبنا من الآثار الجانبية المحتملة للإعطاء الفموي لهذه الادوية (( الاضرابات الهضمية : غثيان - إقياء - إسهال ))

-----------------

3- المضادات الحيوية الفموية : Oral AntiBiotic

الاكثر استخداماً هنا هي زمرة التتراسيكلين (( يعني شو تتراسيكلين ؟؟ يعني رباعي حلقات ))

والدواء الاكثر امتصاصاً هنا هو
الـ الأوكسي تتراسايكلين (( يعني عم أعطيكم الـ best of the best ))

-----------------

4- المعالجة الهرمونية : Hormonal Treatment

أثبتت المعالجة الهرمونية لدى النساء انها فعّالة .... وأشهرها هي المعالجة الشعبية (( إن صح التعبير )) بالمشاركة بين الاستروجين و البروجسترون ....

((((( المعالجة الماضية هي من الطرق الشائعة لمنع الحمل عن الطريق الفموي )))))

أما عند الذكور .. بدي ياكم ترجعو لفكرة بريمي يلي ذكرتها بموضوعها وهادا اقتباسها تفضلو :

بريمي :

::2:: تاني سبب هو النشاط الهرموني عند البلوغ ... هون بدنا نحكي عن :::الاندروجينات::: .. تذكرتو ..... هي الهرمونات الذكرية تستسترون و ما تستسرون.... بيزداد افرازهن وقت البلوغ ((عند الذكور و الاناث )) <<<< يؤدي الى زيادة حجم الغدد الدهنية و زيادة افراز الدهون ((sebum))

من هون ونحنا كمعالجين .. لازم ندور على ثغرة نستطيع من خلالها مدواة المريض ..

وبالتالي تأتي المشاركة بين دواء مضاد للتستسترون (( الهرمون الذكري )) مع الاستروجين وبالتالي نخفض مستوى الأندروجينات الخاصة بالذكر >>>>>>> كنتيجة نهائية : نقاوم الـ ACNE

______________________________________

يا جماعة هناك معالجات أخرى .. ولكن الموضوع سيصبح جافاً جداً ورح تبطلو تقروه ^.^

اما الآن الموضوع مقبول نوعاً ما .. ومفيد جداً ...

ولذلك وبما إنو بهمني الكيف اكتر من الكم .... رح ذكركم بالنقاط الأساسية بالمعالجة يلي ذكرتها فوق :

قاتل جراثيم موضعي - مضاد حيوي موضعي - مضاد حيوي فموي - معالجة هرمونية

أنا بدي ياكم تتقنوا هدول المعالجات وشكراً جزيلاً لكم ...

أطيب المنى لكم
وكل الحب لكم
BK
__________________________