ما هو الـ BMI !؟ .. معلومة ظريفة ولكنها هامة جداً لكل شخص !
السلام عليكم .. كيفكم يا جماعة ...أتمنى أنكم بخير ..
__________________________________________
حبيت اليوم سلّط الضوء على اختبار عالمي وبسيط لازم كلنا نعرفه ولو من السنة الأولى بالجامعة لأنو رح يبقى معنا لبعد التخرج و أثناء العمل .. وحتى في بعض الأدوية تصرف على أساس هالاختبار
----------------------
يسمى هذا الاختبار بـ
BMI = Body Mass Index
مابعرف شو ترجمتها الحرفية بالعربي .. وبتمنى كل واحد مننا يفهم هالمصطلح على كيفو على ضوء شرحي لمعناه .. ورح وصّل فكرته من خلال مثال بسيط : (( بتطلع ركيكة كتير إذا ترجمناها منسب كتلة الجسم .. انا بكره كتير هالترجمة 
)) :
رجل طوله : 1.72 م ... وزنه : 72 كغ ...
نحسب الـ BMI له : بقسمة الوزن على مربع طوله وخلصت الشغلة !!
>>> الـ BMI الخاصة بهذا الرجل هي : 24.3 ....
طيب هلا لازم يكون عنا قيم مرجعية للـ BMI مشان نستند عليها :
أقل من 20 .. فالشخص تحت الحد الطبيعي ... وعليه أن يعمل على زيادة وزنه (( ما يجي واحد يقلي هلأ : ليش ما بقصّر طوله ^.^ .. شغلنا رح يكون بالوزن وبس ^.^ ))
20 - 25 .... تعتبر الامور طبيعية والشخص جسمه جيد وحلو 
25 - 30 .... يعتبر من أصحاب الأوزان الزائدة .. وعليه اتباع حمية أو أي شيء من شأنه التخفيف من وزنه
اما بقى فوق الـ 30 .... أصبح الشخص يعاني من البدانة وهي حالة سريرية خطيرة مع أننا لا نعيرها انتباهاً ... وهي من مشكلات العصر الحديث حقيقة ...
----------------------
كمعالجيــــــــــــــــــــــــــــــن :
قلتلكم قبل شوي إنو بعض الأدوية تصرف على أساس قيمة هالـ BMI الخاصة بالشخص ..
من امثلتها :
1- Orlistat : عمله بسيط ولكنه حاسم .. :
يثبط عمل أنزيم الليباز في المعدة والامعاء الدقيقة >>> تبقى الشحوم دون تحطيم بسبب تثبيط الأنزيــــم >>> تخرج الشحوم من الجسم كما هي ولا تمتص !!!! (( شو رأيكم بهالقوة !! ))
يوصف هذا الدواء للمعانين من قيم BMI أعلى من 30 .... أي للمعانين من البدانة Obesity
2- Sibutramine ... يا إلهي هالدواء شو داهية !! شوفوا شو بيعمل :
يذهب هذا الدواء إلى الجهاز العصبي المركزي و يقول للشهية الطعامية : STOP !!
وبالتالي يتوقف الشخص عن تناول الطعام بكل بساطة !! (( شغلة سهلة ها ؟ ))
أيضاً يوصف هذا الدواء للمعانين من BMI أعلى من 30 ... Obesity ...Obesity
_____________________________
ضل شغلة إنو الرجل يلي عطيت طوله ووزنه مثال،هوي أبو بريف 
... (( طلعت نظامي ^.^ ))
انشالله تكونوا استفدتوا من هالمعلومة الظريفة إخواتي (( الـ BMI )) ....
سلامي لكم
BK
__________________________
- سـجل دخولك أو اشـترك الآن للمشـاركة في التعلـيق
- قرأت 465 مرة
ليش هيك طلع الخط عريض
... يللا معلش تغيير شكل ^.^ ....
سلامي لكم جميعاً
BK
- Sibutramine ... يا إلهي هالدواء شو داهية !! شوفوا شو بيعمل :
THIS DRUG IS EXTREMELY DANGEROUS, IT'S ENDLESS SIDE EFFECTS MAKES ME LET THE PATIENT SUFFER FROM THE COMLICATIONS OF OBESITY RATHER THAN MAKE HIM\HER ENDURE THE BAD EFFECTS OF IT.
orlistat is on the other hand is good, but the patient will have to undergo a full obesity workup before starting any medication, many many patient who are overwieght or obese will respond to life style modification "diet and sports", without any need for medications.
__________________________be the change you want to see in the world...
حلوة هالمعلومة ..... كل ما اسمع بال (( BMI )) بتذكر (( عالم الصباح )) .. عال future .. و كارلا و التغذية .. ((
))
انا طلع عندي :: 22.4 :: ماشي حالي يعني ((
))
_________________________________
يذهب هذا الدواء إلى الجهاز العصبي المركزي و يقول للشهية الطعامية : STOP !!
وبالتالي يتوقف الشخص عن تناول الطعام بكل بساطة !!
طيب الشهية للطعام هي بس :: شغلة عصبية :: ؟؟؟ ... يعني ما بجوع ابدا الشخص اللي بياخد هادا الدوا ؟؟؟
قلتلكم قبل شوي إنو بعض الأدوية تصرف على أساس قيمة هالـ BMI الخاصة بالشخص ..
طيب قلتلنا ادوية (( التضعيف )) و ادوية (( التسمين )) ما قلتلن ((
)) ؟؟؟
__________________________بقطفلك بس هالمرة ... شي زهرة حمرا و بس
يعني خليتني بعد ما قريت هالموضوع .. روح قيس (( أقيس يعني
)) وزني وطولي ...
... يعني قربن للـ 20 واعتبر حالي طبيعية ... ولا أنا تحت الطبيعي ؟؟ 
))
قامت طلعت النتيجة 19.7 (( ما عرفت حالي من إينو تصنيف أنا
سؤال :
هلأ أنزيم الليباز موجود في أطعمة نتناولها ..صح ؟؟ ...
يعني نحن شو منستفيد إذا ثبطنا عمله داخليا .. وضلينا عم ناكل الأطعمة الموجود فيها ؟؟؟؟؟
إلا إذا كمان .. لازم نتوقف عن تناول مثل هذه الأطعمة .. (( صح حكيي ولا خطأ ؟؟))
طيب قلتلنا ادوية (( التضعيف )) و ادوية (( التسمين )) ما قلتلن ((
)) ؟؟؟
سؤال يطرح نفسه
ضل شغلة إنو الرجل يلي عطيت طوله ووزنه مثال،هوي أبو بريف ... (( طلعت نظامي ^.^ ))
على كل حال ألف شكر بريف (( يعني أنا بعرف اسمك بريف ... منين ساويت حالك أبو بريف
))
__________________________مشكور على المعلومة
طر إلى الله بجناحين .. من حب له .. وثقة به ..
2- Sibutramine ... يا إلهي هالدواء شو داهية !! شوفوا شو بيعمل :
يذهب هذا الدواء إلى الجهاز العصبي المركزي و يقول للشهية الطعامية : STOP !!
وبالتالي يتوقف الشخص عن تناول الطعام بكل بساطة !! (( شغلة سهلة ها ؟ ))
أيضاً يوصف هذا الدواء للمعانين من BMI أعلى من 30 ... Obesity ...Obesity
منين بيشترو هاد لازملي منو....
__________________________منفكر في الناس و لا حد يفكر فينا ...... و منبكي على الناس و مين حيبكي علينا ......
شو هالموضوع الحلووووووووووو ..
اكيد ... تعودنا منك دايما عالاحلى والانفع من المواضيع
بس يبدو انو لازمني وزن زيادة لانو طلعت 17 فاصلة كسور ...
يللا لكن رايحة اكل شي كم رغيف
بتوصو شي يا جماعة
__________________________Do not say Impossible
أعط دائما لأنه
"مغبوط هو العطاء أكثر من الأخذ"
حسانو السيبروترامين في كثير خوف منه لنه يتهم بالتسبب بعيوب في دسامات القلب ... أما الأورليستات فهو ما زال جديداً و آثاره الجانبية باعتباره لا يدخل الدروان و يعمل موضعياً تبقى قليلة ..... لكنه ما زال بحاجة لمراقبة
__________________________يا بكرا اللي جاي .... خبر الأيام ....... اللي تألم على جرحه مش ممكن ينام
يا ليل انجلي ......... عتمك مش إلي ....... يا شمس انزلي ... اسمي على ادراجك ... ما ينساه النسيان
و مشيت بطريقي
(أبو مجد .. مثلك ما في حدا)
الله يعطيك العافية حسون
معلومات ظريفة اكيد
انا ما بذكر وين قاري انو الحد الطبيعي لل 27
شو رأيك بالموضوع
وشغلة تانية من شان الاثار الجانبية للسيبوترامين انا بعرف انو بسبب اكتئاب (الله يجيرنا)على المدى الطويل!!
لهيك مننصح انو ما يتاخد لفترة طويلة (شو رأيك حسان؟)
الله يعطيك العافية مرة تانية.
__________________________غزة..ياعروساً لم تفرح بشبابها
اللهم كن معهم عوناً ومعيناً وحافظاً وناصراً وأميناً..
اللهم كد لهم ولاتكد عليهم..
اللهم انصرهم وثبتهم وارزقهم وأمدهم بالقوة والنصر القريب يا رحمن يا رحيم..آمين.
فعلا موضوع متكرر بكثرة و مهم.. انا بعرفو من وقت ما كنت صف سابع..
طلعنا عحد الـ 25 ( بس ضلينا تحتا هه )..
شو مشان؟؟؟ شايف الموضوع صار للإعلانات من نوع آخر.. (
)
تحيــــــــــاتي..
__________________________وطني الغالي.. أهواك... أحبك... أعشقك... فداك دمي... عشت رمزا ً للكرامة... للعزة... للصمود عنوانا تبجله صفحات التاريخ...
.
منين بيشترو هاد لازملي منو....
من المكتبة ..........شو ما بتعرف أبو الميش
اللي ماكانت تاخد حقها ولا بأي شكل
__________________________حسانو حلو هالموضوع ...........ذكرتني بالفيزيولوجيا المرضية
شكرا
الله يعطيك العافية brave heart
دائما مواضيعك غير شكل
يسلموووووووووووووو ... بريف ..
هالموضوع فعلا شغلة كبيرة ..
و لا غريب أبدا أن نسمع منك هكذا مواضيع ... ( اسمعوا الفصاحة
)
__________________________(( هذا رد في كل المواضيع اتي يجب أرد فيها ))
اعذروني على التأخر وعدم قدرتي عل كتابة رد كامل ولكن غداً (( الأربعاء )) لدي حلقة بحث وعلي تحضيرها بشكل جيد قبل إلقائها امام الدكتور علي الرغبان (( عفواً . الدكتور الرائع جداً واحترمه من كل قلبي )) .
إضافة لحل تمارين ضخمة << لغة ألمانية >> في المستوى المتوسط .... يعني بكل بساطة سأكون online مجدداً يوم الخميس مساءً وسأرد بشكل مفصل انشالله على كل المواضيع
اعذروني أخوتي + ادعولي
أرجو من الجميع عدم الرد على ردي هذا لأنه مؤقت ولكن بررت غيابي لا اكتر ولا أقل ^.^ .. (( لا احب ان أرد الا إذا كنت ممخمخ بالموضوع عالآخر ))
سلامي لكم جميعاً وحبي
BK
بريف:
يا سيدي الله يعطيك العافية ع الموضوع والله يوفقك بحلقة البحث والتمارين الالمانية
انترنال وجوني شكراً للتنويه المفيد
سلاااااااااام
__________________________إنترنال : (( اشتقنالك زعيم
)) .... أكيد Sibutramine دواء له من الآثار الضارة ما يخيف ولكنه يبقى من كابتات الشهية بشكل قوي
مع إنه بسبب مشاكل قد تصل للوخامة أحياناً (( أظنك تتكلم في حديثك عن مشاكل تضيق الاوعية الدماغية وارتفاع ضغط الدم هناك .. صح ؟ .. انا معك الأمر خطير ويحتاج للعد للـ 100 قبل المجازفة به ))
معلومة عالهامش بتفسر شوية حكي :
1- في أعصاب بالدماغ (( بالوطاء .. مقر تنظيم الشهية الأساسي )) تعمل تحت إمرة الوسيط العصبي : السيروتونين ...
2- عمل الـ Sibutramine يكون بشكل أساسي بتثبيط إعادة قبط السيروتونين والنورإيبينيفرين هناك وبالتالي يثبط الشهية ..
3- ربط هالمعلومتين سوا منستنتج عمل الـ Sibutramine بشكل مفهوم
وشكراً للزعيم إنترنال على مشاركته
__________________________
بريمي :
لأ وضعك تمام .. ماشالله محافظة على اللوك مزبوط ^.^
مشان إنو الواحد ما بجوع منوب .. طبعاً لازم يجوع بس مو بالشراهة يلي كان فيها (( طبعاً إذا كان السبب هو الاكل الزائد وليس أسباب أخرى لسنا بصددها الآن )) ...
وهون برد بذكّر إنو هالدواء بالذات على عصبونات التي تعمل بالسيروتونين مع أنه يوجد عصوبات أخرى تتدخل (( على فكرة شغلة الشهية شغلة معقدة كتير ومو سهلة ))
مشان أدوية التسمين ^.^ ... أشهر فاتحات الشهية هي الفيتامينات .. والمقبلات بأنوعها ^_- (( على الليستا بالمطاعم بكون موجود appetizers.. طيبة كتير بتكون ^.^ ))
____________________
لولي : (( اهلين بمحبة الطفولة والله ))
مشان الليباز .. فعلاً ما عندي معلومات بخصوص هالشي ...يعني ما بعرف اذا في اغذية تحوي ليباز او لاء ..
ولكن من وجهة نظر شخصية لازم ما ناكل أغذية اذا احتوت ليباز لأنو ما منكون استفدنا بشي
(( ياريت يلي عندو معلومات تغذوية وبيقدر يفيدنا بهالموضوع ما يقصّر ورح نكون الو من الشاكرين ))
سيتامول - د.محمد - بنادول - ستورم - جوني - بنادول - نايت ستار - سكاي (( على فكرة اسمك كتييييييير حلو ))- : شكراً جزيلاً لكم على المرور
الله يجزيك الخير اخ حسان
فعلا معلومة ظريفة ولكن لدي سؤال من بعد اذنك
الا يوجد فرق في الBMIين الرجل والمراة
شكرا لك
__________________________اردت لنفسي واراد الله لي فكان ما أراد الله ولم يكن ما أردت لنفسي
انا طلع BMI
19,5
يعني ماشي الحال الحمدلله...
(( ما يجي واحد يقلي هلأ : ليش ما بقصّر طوله ^.^ .. شغلنا رح يكون بالوزن وبس ^.^ ))
صح ليش ما بقصر طوله؟؟!!
الليباز
:::Lipase:::
هو أنزيم محلمه للشحوم باشكال عديدة (تري أسيل غليسرول ليباز والفوسفو ليباز A2, و LPL...) موجود داخل الجسم وع حد علمي أنو غير موجود في الأطعمة العادية التي نتناولها
ما بعرف بس حسيت من كلام Lolitta أنو في أطعمة كتير بتحتوي ع الليباز
هادا اللي عندي شو رأيكم؟؟؟؟
صح ليش ما بقصر طوله؟؟!!
عجييييييب عجيييييييب
__________________________نت أفيلابل : أعتقد أن القيمة واحدة عند الجنسين
ساما : .. يقصر طولو ؟؟؟؟ ... اي ليش لأ .. (( بس شلون هاتي لنشوف
))
نجم : الله حيك زعيم ...... وهادا لي استغربتوا انا كمان من وجود اطعمة تحوي ليباز .. بس ممكن يكون في ليش لأ ؟؟
بانتظارك لوليتا لدعمنا علمياً بهالنقطة بالذات . بانتظارك بروفسورة
BK
يوجد أنزيم الليباز في الأغذية التالية :
- الحليب الخام غير المبستر
- حليب الأم
- زيت الزيتون
- الثوم - البصل
هذا الذي أعلمه أنا وتأكدت منه ...
))
__________________________بس يمكن لسا في أغذية تحويه .. يمكن ..
بس والله ما بعرفهن أنا (( بعدين بصدق حالي إني برفسورة
يلا سلام
طر إلى الله بجناحين .. من حب له .. وثقة به ..