ما رأيك بالرحلة العلمية كمبدأ ؟

من ناحيتي (وبتصور كل طلاب السنة الاولى معي تماما بهل الحكي)
الرحلة الي كان اسما علمية ماكانت علمية اطلاقا
صحي فتنا عالمشرحة 10 دقايق بس حسيت انها ترفيهية بامتياز ...

متل ما قال تشيغو الرحلة العلمية كانت ترفيهية بامتياز وكتير انبسطنا
أما المستحاثات اللي شفناهن وتصورنا معاهن ما حسيتون لا بيضرو ولا بينفعو

الظاهر لساتك متأثر بالرحلة ياعبودي .......... حتى عمتعمل استطلاع رأي عنا . ......يعني الرحلة ترفيهية بجدارة

على فكرة حسب الشخص ..

يعني هيي فيها ترفيه و ( للي بدو بس ) فيها فائدة

اذا شخص تقصد يسال ويستفيد اكيد رح يستفيد ..
بس اكيد الترفيه فيها غالب مية بالمية

طبعا هاد رايي ..

هلأ بشكل عام هي ترفيهية بس ما بامتياز ................ يعني الوصف الدقيق استطلاعية
وبشكل خاص (في دفعتنا ) هي رحلة فاقسة الفقس العجيب ....... بس منيحة
لذا ما حأصوت لشي اختياري غير الخيارات الموجودة
أحلى أبو فيصل بدنا رأيك ها

خدو الخبرة عندكن

الرحلة العلمية لا علمية ولا ترفيهية يعني رحلة باصات ؟؟ تغغير جو مو مستاهل تعبو يعني طلاع بالبولمان انت ورفيقك ع الشام وروحو ع الكلية وفتلو شوي ورجعو بينبسطو اكتر طبعا غير اذا اجتكن الرحلة وقت الشوب بباصات الكلية ال2008 وطبعا المكيفات وطرق الشام قصير اصلن 160 كم مو مستاهل بتصلو ع الشام مسلوقين مو طايقين لا كليو ولا تشريح يعني لو مو هالكم وش حلو معك بالبولمان لتنزل هههههههههههههههههههههههههههههه

مشان فكرة التصويتات حطلي هي بالله :

يكمن الخلل الاكبر في سير العملية التعليمية في كليتنا :

الطالب غير مهتم

الدكتور ليس بالمستوى المطلوب غالبا

المنهاج غير مدروس ابدا ؟؟ اصلن ما في منهاج ( النوطات عبارة عن صف كلام حلم في ه الدكتور مدري خطر ببالو صدفة )

حط ع كيفك مبينة لانو هههههههههه بس هيك ليطمان قلبي ؟

بعدين صحي بدي قلكن شو مشان لازم يحدو المناهج المرجعية يعني الدكتور ما يطلع برا مرجع معين ( ولا ما بيعجبو مثلا كيومر ولا كرنت ؟؟ اصلن مو سمعان فيه )

طيب واحد تاني

هل انت مع اعادة فحص الدكاترة علميا كل فترة او سنوات معينة للتاكد من تمام استعدادهم
والله مو عيب شو رايكن شو بصير ؟؟

صدقوني ترفيهية وبس!!!

أصلا هنن قالونا من البداية بدنا نمر مرور طريق من الجامعة (( هادا الحكي من لسانن هنن ))
صح يا أولى ؟؟؟؟؟؟؟؟؟؟
وبالفعل يعني قعدونا بالمطعم أكتر ما نقعد بالجامعة

لك مافي أحلى من الرحل العلمية..

يعني إذا ماكتير استفدنا منها علميا ، فالفائدة العلمية ستأتي فيما بعد بتحسن مستوى الدراسة بعد تغيير الجو ..^_^

الصراحة أنا رأيي إنو غير ضرورية و لكن بها فائدة علمية ..
يعني لطلاب الأولى .. بشفو الجثة ..
و لطلاب التالتة بشوفو مخبر المهارات ..
أما طلاب التانية بشوفو الغروب على شط البحر ..

و لكن اهم ما يميز الرحلة العلمية ان شعبيتها تتناقص باستمرار
أذكر بالسنة الأولى حققت الرحلة نسبة ذهاب حوالي 95%
و بالثانية حوالي 80%
و الآن حوالي ال55%
(طبعا مصدر الإحصائيات هو الدفعة العاشرة )
و الجدير بالذكر أن السنة الرابعة بلغ عدد المسجلين على الرحلة حوالي ال 15 طالب ..

ما هو السبب يا ترا في نفور الطلاب منها كلما تقدموا بالعمر؟؟

اذا السنة الأولى فاتوا على المشرحة 10 دقايق فنحن وصلونا على جامعة تشرين وقالولنا غيبو نصف ساعة ورجعوا عالباصات... ونحن ما كذبنا خبر عملنا فتلة عالكليات وأكيد ما نسينا كلية التجارة باللاذقية.......

هلأهي مو علمية بالمرة

بس هدا الشي الحلو فياا

كمان شو بيمنع اذا كان الجامعات بتقدم للطلاب نشاطات رياضية مثلا فهي الرحل اقل شي ممكن يتقدملنا برا الدراسة

المهم انها ببلاش (بس لهطو 300 حق اكل ما بيتاكل للمطعم)

مع ذلك نحنا انزعجنا من كتير شغلات صارت يعنى كانت رحلة محششين مو طلاب جامعة " عدم المواخذة "

طبعا مو رحلة علمية ..........رحلة ترفيهية مرفهة أكتر من الرحلات الترفيهية
مشان لازم نعمل رحلتين (علميات)كل سنة

لماذا لا يوجد رحلة للسنة الاولى و التانية؟؟؟؟

كل الرحل العلمية بالجامعة هيك
وهاي نقطة ضعف معروفة بجامعة البعث
منتمنى ان تصير احسن من هيك