تقرير الرحلة العلمية للسنة الخامسة
كانت خاتمة سعيدة لمشوارنا بهالكلية الرائعة ...
انطلق موكب البولمانات (يلي بيسمع موكب بفكر شي 100 بولمان وهنن كلن على بعضن بولمنين) من الجامعة في تمام الساعة 8:30 am متضمناً الحماصنة فقط ... لحتى وصلوا إلى (مركز العائلة Family Center) في حماه محل ما كنا عمنستنى (نحنا الحموية) ، وطبعاً هون بلشت الرحلة بوجود الحموية والحماصنة ...
وشدينا على حلب ، وكان الطريق كتير لذيذ من كل النواحي (الخارجية والداخلية) ، 3njad يمكن انبسط كتير بالبولمان موهيك أبو سمرا ، وأبو السيم (سمسم سماسم) ما بعرف شو كان عبصير معو ،،، والبولمان كانت بفلاتو كتير ظابطة (يعني مو كتير كتير ،، بس منيحة) يعني منعرف شو الغنية اللي حاطينها ... وبعدين بلشت الهناهين والزلاغيط (حسيت حالي بعرس) ، لمين كنتو عبتهنهنو trrm ؟؟ بس أكيد لأن العالم مبسوطة عأساس بدهن يتخرجوا ...
نزلنا باستراحة قبل ما نوصل عـ حلب ، ما بعرف شو اسمها ، و فطرنا هنيك مناقيش وهيك شغلات ... المهم وبلا طولة سيرة وصلنا على مدينة حلب ، بس ما دخلنا بالمدينة ،، رحنا من الطريق الخارجي مباشرة .
ولأنو ما منعرف الطريق للمعمل ؛ استعنا بصديق ودكتور قدير (طبعاً أخدنا موعد مسبق منه قبل بنهار ، وحصلنا على جزء من وقته الثمين) .. الدكتور علي الرغبان (رئيس قسم الصيدلانيات بجامعة حلب ورئيس قسم التحليل المخبري في معمل آسيا والمستشار العلمي في عدة معامل أدوية) وسحبنا على معمل آسيا للصناعات الدوائية ، وهوي (معمل آسيا) صاير بالجهة الشمالية الغربية من مدينة حلب ، ومنطقة المعمل صايرة منطقة فلل وقصور ، ومانا منطقة صناعية بنوب ، طبعاً هاد شرط من شروط موقع المعمل الدوائي (الجو النقي) ... والمعمل نفسو صاير ملبس بحجر ورخام فما ببين من بين الفلل اللي حواليه ... يعني شي خيال ...
معمل آسيا للصناعات الدوائية
وصلنا إلى المعمل الدوائي حوالي الساعة 11:30 am ، طبعاً كان الاستقبال حار جداً ودرجة حرارته أعلى من حرارة الجو بحوالي 9 درجات (ياريتون ما رحبوا فينا هيك لأن شوبنا كتير) المهم ... الخطة في معمل الأدوية كانت :
1) محاضرة صغيرة كتير (ياريت محاضراتنا هيك بالكلية) مدتها ربع ساعة شرح فيها المسؤول البداية المتواضعة للمعمل منذ عام 1990 وكيف تتطور حتى وصل إلى هنا ... حيث يحتل حالياً مركز (أضخم مصنع دوائي في الشرق الأوسط) ... عبعملو دعاية للمعمل ...
2) المرحلة التالية كانت : المخابر ، حيث الأجهزة المتطورة متل جهاز HPLC و جهاز IR ذو المدى القريب ... الخ ...
جهاز HPLC
جهاز IR
3) المرحلة الثالثة كانت : الكبسولات الجيلاتينية ، وشاهدنا كيف يصنع منتج TULLIN-D (ما تقولوا انكم ما بتعرفوه ، تبع الرشح والكريب) ...
4) المرحلة الرابعة : الصادات الحيوية من زمرة البنسيلينات والسيفالوسبورينات ...
5) المرحلة الخامسة : الهرمونات وكيفية صياغة الإنسولين ...
6) المرحلة السادسة : ضيافة المعمل (بتفور وموالح وعصائر) ، وهدايا تذكارية من الشركة .
ودعنا المسؤولين وعلى رأسهم الدكتور علي الرغبان شاكرين حسن استقبالهم وضيافتهم ، وانطلقنا إلى المطعم لتناول الغداء (كنا فطسانين من الجوع طبعاً) المهم وصلنا للمطعم بعد شي ساعة من لحظة خروجنا من المعمل ، بس ما عجبنا كتير المطعم ، فقررنا بالإجماع وبالتعاون مع طلاب الهيئة الإدارية (اللي كانوا كتير متعاونين معنا ، الله يعطيهم العافية) إنو نشد على مجمع (سيزر SZAR) بحماه ، أكيد كلكن بتعرفوه ، أعدتو رايأة وأكلو كتير لذيذ .
والله بعد حوالي 0:45 دقيقة كنا بسيزر (الشوفير كان معلم) . وطلبنا أصناف الطعام المختلفة بجو كتير لذيذ على أنغام الموسيقى الدافئة ، وكانت الخدمة رائعة بـ سيزر (كمان عبعملو دعاية ، خليا تبين مع العالم) .
بعد ما عبينا معدتنا ، أخدنالنا كام صورة تذكارية لبين ما يصير زمن الإفراغ المعدي ، وما يصير معنا تلبك معدي ، وبعدين : على الألعاب ،،، ركبنا بالسيارات والديسكو وهالشغلات هي ... وانبسطنا كتير ... حتى سألوا trrm ...
حوالي الساعة 8:30 pm ركبوا الحماصني بالبولمانات وانطلقو عائدين إلى مدينة حومص وهنن مبسوطين ،، ونحنا (الحموية) شدينا على بيوتنا كمان ونحنا مبسوطين ، وتوتي توتي خلصت الحتوتي .
اشتهيناكم معنا ...
__________________________
Tenderize
Amaciar a carne
Fleisch zart machen
Ablandar
Vlees mals maken door erop te slaan of
- سـجل دخولك أو اشـترك الآن للمشـاركة في التعلـيق
- قرأت 626 مرة
شلون طاوعكن قلبكن تطلعوا بدووووووووني...
__________________________يالله على كل ما مشكلة انتو الخسرانين(ههههه)
انشاءالله تكونو ابسطوا..
تحياتي الك فؤادو
غزة..ياعروساً لم تفرح بشبابها
اللهم كن معهم عوناً ومعيناً وحافظاً وناصراً وأميناً..
اللهم كد لهم ولاتكد عليهم..
اللهم انصرهم وثبتهم وارزقهم وأمدهم بالقوة والنصر القريب يا رحمن يا رحيم..آمين.
يا سيدي كأننا طلعنا المهم تكونوا انبسطتو وخصوصاً (( عنجد )) هادا يلي مو مبين
يسلمووووووو فؤاد .. فعلاً معمل آسيا معمل مرتب وانشالله تكونوا استفدتوا بالمقام الاول
سلام
BK
الحمدلله عالسلامة
__________________________كأنكن انبسطتو كتير
بس ليه مو حاطط و لا صورة لحالكن؟؟؟؟
ياخ نيالكن د.علي كان معكن و الله بيجنن هالزلمي
حاول ان تساعدني...
فإن من بدأ المأساة ينهيها...
و إن من فتح الأبواب يغلقها...
و إن من أشعل النيران يطفيها....
يا سلام شو هالرحلة .........تاريكن طلاب الصيدلة مو قلال .............عمقول صوات الطبل والزمر هداك اليوم
عنجد الصور كتير حلوين فؤاد حطيتنا بالجو بس ليش مو متصورين متل طلاب التالتة طب والرابعة صيدلة؟؟؟؟؟
عكل حال الحمد الله عالسلامة...........
__________________________ولو خيرت في وطن
لقلت هواك أوطاني
ولو أنساك ياعمري
حنايا القلب .. تنساني
اذا ماضعت في درب..
ففي عينيك عنواني
فؤادو ........... يعني كأنو ما عرفت أنا من خلال تقريرك الحلو متى طلعتوا (يعني بأي يوم )
__________________________ما تواخذني هيك استشفيت
ع كل التقرير حلو كتير بس كان ناقص صورك انتا والشباب يا رجل فعلا وعنجد وينو عنجد (سؤال يطرح نفسو بنفسو )
وأكتر ما لفت انتباهي بالتقرير هو مطعم سيزر ........... يا اخي ما طبيعي شو رائع فعلا (ولا سيما في انطلاقتو الأولى كانت الخدمة بيرفيكت شي ناهي كتير )
آخ يا شبلوط هدا مطعم وطيبة مطعم
على كل الحمد لله ع السلامة للحماصنة والحموية على حد سواء
السلام عليكم..
فؤاد.. الله يعطيك العافية خيو.. بس اسمحلي ضيف ((((شوي))) على تقريرك المختصر جدا..
- كانت إنطلاقتنا نحن الشعب الحموي من فاميلي سنتر ، وللوصول للفاميلي سنتر أخذنا تكسيين ، التكسي يلي فيه مستر فؤاد اتفقوا معه على 125ل.س ، أما التكسي يلي فيه تررم اتفقنا على 100ل.س ... هههه (هي أول ضربة مستر فؤاد الحباب.. بس طول بالك .. لسا الخير لقدام
) ، وطبعا وصلنا قبلكم بزمان..^.^
- وفي الانتظار دعت تررم الصبايا لشراء ما يردن ، وقالت لهن على حساب فؤاد (على اعتبار أنه الشب ^_-).. حرام ليش الكذب ، دق الزلمة على صدرو و قال "أكيد
"... كفو يا خيو و الله كفو..
- جاء الباص و وقف بُعيد مركز العائلة(يعني وقفلنا قبل حلب بشوي يحرق حريشه×_×)
صعدنا الباص ، وكان الشعب نااااااااااااااااااااااااائمون... و لكن بحضورنا حضر الواجب .. واشتغلت الضيافات^.^ (ما عدت أعرف الضيافة من وين تجيني.. طلاب الصيدلة أهل الكرم)...
- و بدأ جو الرحلة عالهدا يصير أحلى.. غناء و مسابقات (اسمحولي وجه تحية لصاحبة الأسئلة الطالبة الأمورة الحبابة علا ناصيف..)
طبعا كان الفوز لفريقنا (الذي أسميته فريق /المميزين/ ) على فريق الجهة الأخرى من الباص (الذي أسميته فريق /المغمورين/^.^... تررم شريرة)
- اسمحولي وجه تحية إلى أخت الزميلة عبير (طالبة عمارة ) و التي عن براءة وبدون قصد ، كانت ورقة الأجوبة تقع ضمن ساحة الرؤية لديها... طبعا هي كانت من فريق /المميزين/...هههههههه.
- نزلنا في الاستراحة الرائعة (طج) الحلوة (طج) الواسعة(طج)..(مقصف شهرزاد السياحي
)..
و بدأت السلامات مع جماعة الباص الثاني الذي لم يعذب فراماته و يتوقف أبدا في مركز العائلة ×_×..
و هنا التقى مستر فؤاد بنصفه الحلو.... لك لأ ما بنت ، حرام شب .. والله شب .. ألا وهو المستر سامي (سامي شو كان اسمك ببلازما؟؟ نيتروجين ؟؟؟ ثاني أوكسيد الكربون؟؟؟ أااا أيه اتذكرت .. أوكسجينO2 ^_-) ، طبعا الأخ عنجد من جماعة الباص الثاني (التانيين ^.^).
و هذه الصورة التقتها خصيصا لتقرير بلازما (مشان ما تقولوا شو هالـFreeeeee ^.^)..إهداء لـ ABS:
من اليسار إلى اليمين : سينغو... فينغو... رينغو...^_^
(و على قولة الأخ سينغو.. تصوير" السيدة ملعقة" ×_×... طج..)
- انتهت الاستراحة الخيالية و صعدنا للباص ، وهنا انتقل مستر فؤاد مع نصفه الحلو إلى الباص الثاني (إذا الله ما كذبني) ، وتابعنا الغناء .. قصدي استجرار الشعب النائم للاستيقاظ
... و كانت مواهب المغنيات و الـ...... تتفتق في الباص )..
وصلنا لمعمل آسيا ، اتفرجنا ..و بعد انتهاء الزيارة (يعني بما أن أمر المعمل ليس من صميم برنامج الرحلة ، فلن أدخل بالتفاصيل^_-)
عم إمزح..
اتصورنا بداية بين الزهور الجميلة في حديقة المعمل الغنّاء..
و هاكم صور بعدسة تررم ..
أحببت وضع صورتي بين الزهور لولا أني كنت متيقنة أنكم ستفشلون في تمييزي عنها
(العمى على شوفة الحال)..
استمعنا على المحاضرةحيث ارتحت عالواقف ( على قولة شوفير باص بالشام بيسألوه "على كفرسوسة" ، يجاوبهم "لأ على مشمش" .. وبيقلهم للعالم "ارتاحوا عالواقف "^.^)
أثناء المحاضرة
ذهبنا إلى قسم الأنسولين..
و ارتدينا المراييل الزرقاء الجميلة ، و الجرابات الخضراء (هدول متل محارم ... عرفتوهم... و التي لاحظت أننا أنا وصديقتي "ندى" الوحيدات اللواتي يرتدينها بشكل صحيح و ليس على المقلوب متل كلللل طلاب الخامسة ^.^.. ياحرام)
تفرجنا و تمّ الشرح وتبادل الأسئلة والأجوبة بين الطلاب و الدكتور الذي يشرح .... هون أنا ماني بالجو بنوب (أنا مخبري مالي كتير بالصناعي و المراقبة ^.^).. عدا عن عدم وصول الصوت..
- انتقلنا إلى قسم الكبسولات الجيلاتينية ، وكان الطالب ابراهيم سويد متحمسا جدا لهذا القسم ... وههنا شممنا رائحة تشبه رائحة التجليد الشفاف السميك الذي كنا نجلّد به كتبنا عندما كنا صغارا ^.^....
صورة من النافذة
- انتهينا وذهبنا للضيافة .. عصير و بتفور ..
"
للحق لقد كانت الضيافة مرتبة ، و لكن لن أستطيع أن أحكم على طعمها لأني لم أذقها ×_× ... (لاحظتم كيف طلاب الخامسة بيتوصوا بضيوفهم.... عم إمزح ، ولكن ضيافات الباص الصباحية كانت مازالت في المعدة)
هنا أردنا مغادرة المعمل ... ويا سلام ... ظللنا في الباص حوالي الساعة ... لماذا ؟؟
يودي.. معمل ، تاري بدهم يعطونا هدايا (نماذج مجانية و تيشرتات...) هنا جاء الأخ عبد الخالق و ووزع الهدايا .. ولا أدري لماذا تجاوزَنا أنا وصديقتي ندى...(يعني أعطى الذين أمامنا و الذين خلفنا و الذين بجانبنا ..!!!!!!!!... هع هع ..) ، هي توصايه فينا ... لأ وسألنا هل هناك من نسيته ... فأومأت له برأسي .. و أظنه فهم علي "نعم لـــم تنسنا...
(على العموم الهدية لم تذهب علي ، وإنما على صديقتي إيمان التي كنت وعدتها مسبقا أن أرفعها لها..)
انطلق الباص ، وهنا كان الشعب نائما على الأخير.. واتخذت قرارا أن نوقظهم ... و عاد الجو المرح بجهود بعضهن (تحية لسعاد. ن النشيطة).... و اشتغلت الهناهين و الزلاغيط ... و كانت زلغوطة ما بعرف مين ^.^ الرائعة تطرق في الأذن وتمزّق غشاء الطبل (يا سلام...)
و تابعت الزميلة الحبوبة علا ناصيف الحزازير ، وهذه المرة مع جوائز قيمة .. وكان لتررم نصيب بجائزتين (رباطة شعر و بالونة).. الله ما بيقطع .. هدول بدل تبعوت المعمل ^.^..
و قد عجّزتهم تررم بكم حزورة رياضية التي حزروها بعد تفكير ، ماعدا واحدة ^.^ (بتحبوا حزركم ياها)..
(و عندها عرفت ليش العالم كانوا ينبسطوا على الحزازير و الجوائز ، يلي كنت أعملهم ، تاريها شغلة كتير مسلية ^.^..... و هنا تحية لأبو البل الذي أذكر في رحلتنا كان دائما يجيب على جميع الأسئلة ، ولكن بعد الإجابة عليها .. وبحماس عأساس لم يسمع الجواب ..^.^..)
- طبعا تلقينا نبأ أننا لن نذهب للقلعة.... (لا قلعة سمعان و لا قلعة حلب...)
ملاحظة (أكثر شيء زعلني بعدم الذهاب إلى قلعة حلب ، هو أنني لن أذوق فلافل "أبوبكري" وقد كنت عزمت على تذوقها .. واسألوا رينبو..^_^)
- توجهنا إلى مطعم "طيبة" الذي لم ينل الإعجاب الكافي .. فتقرر الذهاب إلى سيزر..
...طج .. طججججطططججج (صوت وقوع تررم على درج القبو المظلم .. هع هع )..
اسمحولي ... هنا كانت الصدمة ، حيث اكتشفت تررم أن الشق الترفيهي من الرحلة كان إلى
سيزر .....يعني بحماااااااااه..
- بس والله انبسطنا بسيزر..
- هاكم صور بعدسة تررم..
إهداء من سيزر لكم ، ولـ"لابريمافيرا "(بقطفلك بس هالمرة هالمرة بس عبكرة..^.^)
- ههنا كمان تصورت بين الزهور، وأحببت وضع صورتي ، ولكن لم أضعها حزركم ليش ^.^..؟؟
...
و تغدينا ، ثم انطلقنا إلى الألعاب
فتلة بالقطار الذي يطلّ على المنطقة ، و الـ(ميني) ديسكو ، والسيارات ... بس شو سواقة غير شكل..
.....
..
__________________________و قد لاحظت فشل فينغو و سينغو في السواقة ، حيث قضوها بالزاوية ماعم يعرفوا يرجعوا أنارييه (هي السحبة من عندي^.^)..
و كانت صديقتي الشريرة شوشو .. تتعمد الارتطام بي .. اسمحولي وجهلها تحية ..
و اكتفى الدكتوران المرافقان للرحلة (د.حسام أبازيد ، ود.عزام ) بالتفرج على ولدنة الطلاب (قصدي روح الطفولة)^.^..
انتهت الرحلة و انطلق الباصان إلى حمص و طبعا بقينا نحن أهالي حماه .. وكل عاد بطريقته ..
و لم أجرؤ أن أقول لأهلي المناطق التي نزلنا فيها حتى لا يتمسخروا علي..
و لكنني و الحمدلله انبسطت بالصبايا الحبابات ، والجو الحلو خصوصا في سيزر.. و راح علي دوام المشفى بالشام و محاضرة..بس
للإستفسار ومزيد من التفاصيل (ولييييييي) الرجاء الاتصال برقم جوالي****** 0955...
و السلام عليكم ورحمة الله وبركاته..
دمتم على رحل
وليت الذي بيني وبينك عامر....وبيني وبين العالمين خراب
إذا صح منك الود فالكل هين....وكل الذي فوق التراب تراب
اي والله كأني كنت معكم ... تررم : عيشتينا بجو الرحلة تمام يا خيتو
! ....
انشالله تكونوا استفدتوا علميـــاً من هالرحلة ....
مشكورين فؤاد وتررم .. والحبل عالجرار ^.^
BK
فعلا تقرير مميز
__________________________و إضافة أميز ..
شكرا لكما ..
شهيتونا نطلع شي رحلة على شي معمل أدوية ..
إي شو هالتررم ............... إي هيك ها الصور غير (وجه عم يجاكر فؤادو )
__________________________انشا الله لي رجعة بس اقرأ بتمعن
عظيم يا تررم
جاااري القراءة للمرة التانية ....هالمرة للإضافة تبعيت تررومة (هادا الاسم الدلع لتترم )
__________________________بس رح اخد احتياطاتي ..لأني شكلي رح اضحك كتير
أنا ياصديقة متعب بعروبتي ،فهل العروبة لعنة وعقاب؟
لولا العباءات التي التفوا بها ،ماكنت أحسب أنهم أعراب
بس رح اخد احتياطاتي ..لأني شكلي رح اضحك كتير
شو حتعملي يعني ............ راح تركبي كاتم صوت مثلا
__________________________شو حتعملي يعني ............ راح تركبي كاتم صوت مثلا
اف ..شو عرفك ...رح ركب كاتم صوت .....بس لشو يا حزرك ....لمسدس وشو رح اعمل فيو يا حزرك ؟؟؟؟!!!((استنتج وخبرني )))
وعلي وعلى اعدائي
بسيطة يا ستورم ....
__________________________أنا ياصديقة متعب بعروبتي ،فهل العروبة لعنة وعقاب؟
لولا العباءات التي التفوا بها ،ماكنت أحسب أنهم أعراب
ستورم يستسلم
ويرفع يديه عاليا ........... يعني Hands Up
__________________________أهلين trrrrrrrrrrrrrrm ، يا ألبي ما عندك دراسة انت ... شو جابك هلأ ...
إي شو هالتقرير المفصفص ، يا شباب حذفولي تقريري وخلو تقرير trrrm ،
بس نسيتي شغلة كتير كتير كتير مهمة ، وهي : إنو ما خليتيني دشنلك كندرتك اللي مانا جديدة بس أول مرة بشوفها أنا ...
ومشان الـ 25 ليرة الزيادة ... فداكي يا خيتو ، وقلتلون للبنات إنو راح تـ طأطؤولنا بس نصل ، قالولي : يالله مستعجلين هلأ بعدين منطأطألون نحنا بشي تاني ...
وبعدين ما وصلتو قبلنا بزمان ، شفناكم ونحنا عالمفرق ، بيناتنا 3 متار بس ...
وفي الانتظار دعت تررم الصبايا لشراء ما يردن ، وقالت لهن على حساب فؤاد (على اعتبار أنه الشب ^_-).. حرام ليش الكذب ، دق الزلمة على صدرو و قال "أكيد "... كفو يا خيو و الله كفو..
ولك ما بيغلا عليكي شي يا دكتورة trrrrrrrm فوقفت الشغلة على مية تلاتميت خمسميت تمانميت ألف ليرة إلك ولرفقاتك ؟؟؟!!!!
وطبعاً ولولا الضيافة الكريمة ، ما قدرنا نتحمل لسيزر ... يا هيك الصيادلة يا بلا ...
منيح سهلتي عليي كنت آكل هم تزيل صورنا ، خلي ستورم ينبسطلو أترا بشوفتنا ... بتعرفي راح نزلك صورتك ... شو رأيك ؟؟
أحببت وضع صورتي بين الزهور لولا أني كنت متيقنة أنكم ستفشلون في تمييزي عنها
طيب نزليلنا الصورتين جنب بعضهم (صورتك وصورة الزهور) وعملي مسابقة : (أوجد فرقاً واحداً واحصل على ملعقة مجاناً) ...
استمعنا على المحاضرةحيث ارتحت عالواقف
أنا كنت آعد أول كرسي ومرتاح عالآعد ،، واحد صفر إلي يا سيدة ملعقة ...
رباطة شعر و بالونة
ما بتعرفي إنو هدول بيلزموني مشان اختي الزغروني عزوزي بأيام الفحوصة ...
أكثر شيء زعلني بعدم الذهاب إلى قلعة حلب ، هو أنني لن أذوق فلافل "أبوبكري" وقد كنت عزمت على تذوقها
اي فلافل النزهة أطيب بميت مرة من فلافل أبوبكري ... اسألينا نحنا جماعة حلب ...
و قد لاحظت فشل فينغو و سينغو في السواقة ، حيث قضوها بالزاوية ماعم يعرفوا يرجعوا أنارييه (هي السحبة من عندي^.^)..
لو كان الله طاعمك وركبتي معنا بنفس الوقت ، كانت راحت عليكي ، بس بتعرفي ؛ درت بالي على سيارتك الزرقة كتير منيح ولا خدشة ولا شي ...
طبعاً بحب اشكر السيدة ملعقة - تررررمة (على قولة سينغو) على هالتقرير اللذيذ كتير اللي بيحمل روح الولدنة (عبمزح) روح الطفولة ...
وإنشاء الله السنة الجايي منطلع مع الدكتورة تررررررررررررررمة ونحنا متخرجين كمان ، مشان ما تشوف حالا علينا ...
دمتم سالمين ومبسوطين ...
التوقيع : فينغو ...
__________________________Amaciar a carne
Fleisch zart machen
Ablandar
Vlees mals maken door erop te slaan of
مبينة رحلتكم حلوة .. لسا ما قريت التقرير ..
__________________________بس اللي يلفتلي نظري صور الطبيعة والورود اللي بتاخد العقل ... (( الورود الحمر خصوصا ))
مشكورة تررم على الشغل الحلو وفؤاد كمان
جاري القراءة
طر إلى الله بجناحين .. من حب له .. وثقة به ..
وكان الشعب نااااااااااااااااااااااااائمون
إي شو هالبلاغة يا تررم ما عرفتك بس ما غريبة يعني بكالوريتك علمي بدو يطلع معك هيك نهفات
قصدي استجرار الشعب النائم للاستيقاظ
ذكرتيني بجماعة التالتة طب ............. وكنت أنا وشبلوط من بلازما آخدين دورك وقتها
الـ......
نفسي أعرف شو هال............
لا أدري لماذا تجاوزَنا أنا وصديقتي ندى
مبينة .......... ما عبيتو عينو ............... (بمزح ها )
وقد كنت عزمت على تذوقها .. واسألوا رينبو..^_^)
صادقة لا تحلفي * ^
توجهنا إلى مطعم "طيبة" الذي لم ينل الإعجاب الكافي .
هلأ (مطعم طيبة اللي رحنا عليه جماعة التالتة ) كأنك عم تقولي لنا نحنا بشكل أو بآخر أنو شو هالذوق اللي عليكم لحتى فتتوا ع هيك مطعم ...... أنا هيك فهمت ها
. فتقرر الذهاب إلى سيزر..
اسمحولي ... هنا كانت الصدمة
اسمحي لي يعني شو بدك أحلى من سيزر أه قولي لي ...........
ولكن لم أضعها حزركم ليش ^.^..؟؟
هي الإجابة بعد الإجابة اختصاص أبو البل بدك تسأليه إلو أشطر مني
__________________________بعدين ليش هيك حاسة متواضعة حبتين زيادة بالراحة علينا يا دكتورة
صحيح كمان في شغلة بتعرفي كم تحية وزعتي من خلال الرحلة (استغلال حموي للموضوع * ^)
أحلى تررم أمتعتيني بالتقرير كتير وبالصور أكتر
شكرا
بس نسيتي شغلة كتير كتير كتير مهمة ، وهي : إنو ما خليتيني دشنلك كندرتك اللي مانا جديدة بس أول مرة بشوفها أنا ......
لك هو أنت بتكون عاقل ومافي منك... بس تلتقي بسينغو أفندي بتصير شرير متله
.. 
ومشان الـ 25 ليرة الزيادة ... فداكي يا خيتو ، وقلتلون للبنات إنو راح تـ طأطؤولنا بس نصل ، قالولي : يالله مستعجلين هلأ بعدين منطأطألون نحنا بشي تاني ....
لسا قال اعترض شوفير سيارتنا وقلنا ، لازم تعطوني متل هداك 125.. قمت قلتله ، هونيك في شب و للشب مثل حظ الأنثيين ^.^
بتعرفي راح نزلك صورتك ... شو رأيك ؟؟...
بالله .... إذا عندك لا تقصّر ^.^
رباطة شعر و بالونة
ما بتعرفي إنو هدول بيلزموني مشان اختي الزغروني عزوزي بأيام الفحوصة ...
...
بس مابكفو يا خيو... ^.^.. إلا إذا بكرة انقرعت من النص بيمشي الحال..
أهلين والله فيك فينغو.. وشكرا لأنك درت بالك على سيارتي و لكن لأخذ العلم (سيارتي هي البربتقالية^.^).. موفق و عقبال ما نفرح بتخرجكم..
______________________________________________
وكان الشعب نااااااااااااااااااااااااائمون
إي شو هالبلاغة يا تررم ما عرفتك بس ما غريبة يعني بكالوريتك علمي بدو يطلع معك هيك نهفات
ستورم هذه حالة شاذة تقول (عند مبالغة خبر كان يسقط عنه النصب و يعود خبرا مرفوعا ^.^...) ما رأيك بهذا الجواب الأعمى أمام سؤالك المبصر ^_-
توجهنا إلى مطعم "طيبة" الذي لم ينل الإعجاب الكافي .
هلأ (مطعم طيبة اللي رحنا عليه جماعة التالتة ) كأنك عم تقولي لنا نحنا بشكل أو بآخر أنو شو هالذوق اللي عليكم لحتى فتتوا ع هيك مطعم ...... أنا هيك فهمت ها
فينك تقول هيك شي..
، بس ترا ماكان إلي خبر إنكم رحتو عليه ، بعدين لانتبهت.. رغم إني شكيت وقت وصلنا لما شفت "دويخة الأحصنة" المتصور عندها م.شبلوط..
ولكن لم أضعها حزركم ليش ^.^..؟؟
هي الإجابة بعد الإجابة اختصاص أبو البل بدك تسأليه إلو أشطر مني
لا والله توقعت أبو ياسين يجي يقلي .."مبينة لأنو احترقت الصورة " ^.^
صحيح كمان في شغلة بتعرفي كم تحية وزعتي من خلال الرحلة (استغلال حموي للموضوع * ^)
الأصعب أن أحزر كم مرة طجيت فيها
- سليم كلك ذوق... و سيزر أكيد حلو... ولكن الصدمة أن الطريق كان ممكن أن يُختصر في 5 دقائق^.^..
-تسملولي يا جودي و لوليتا .. طلعتوا إنتو رحلة..؟؟
__________________________أم اللول.. بهديكي وردة حمراء طالعة عندنا بجنينة البيت..^.^... جودي رح إهديكي "عراتلية"... ريحتها بتجنن..
وليت الذي بيني وبينك عامر....وبيني وبين العالمين خراب
إذا صح منك الود فالكل هين....وكل الذي فوق التراب تراب
لا والله توقعت أبو ياسين يجي يقلي
وأنا كمان توقعتك تجيبي سيرة أبو ياسين بالرد على هيك نهفات بالتحديد بطريقة أنهف * ^
__________________________ما بيطلع لنا مع أبو ياسين بنوب نحنا تلاميذو (بس خط الأرضي عندو منزوع ولا كان راح لو لسؤالك )
تحياتي
يا عيني يا عيني شو هالتقرير
وشو هالاضافات
أكيد رح أرجع اقراها
تتهنوا يا عمي أنتو جماعة الصيدلة ماحدا قدكم
سلااااااااااااام
__________________________السلام عليكم..
و هذه الصورة التقتها خصيصا لتقرير بلازما (مشان ما تقولوا شو هالـFreeeeee ^.^)..إهداء لـ ABS:
من اليسار إلى اليمين : سينغو... فينغو... رينغو...^_^
(و على قولة الأخ سينغو.. تصوير" السيدة ملعقة" ×_×... طج..)
شكرا كتيييييييير
__________________________بس عرفيني عليهن
مين هيدول و الله حابة اعرف
بس عنجد شكرا
حاول ان تساعدني...
فإن من بدأ المأساة ينهيها...
و إن من فتح الأبواب يغلقها...
و إن من أشعل النيران يطفيها....