“My stomach hurts.”

يا زلمة ما عاد عندكون غير مرضى الهضمية ... ما حدا قدهم بيضيق الخلق ....

صحي نسيت قللكم أنو عيادة هضمية
يحرق حريشك طيب كنت حكي شوي زيادة شو لازم نساوي

بعدين مرضى الهضمية مو خلقة الله ؟؟؟

بانتظار البقية...

سلااااااااااااااااام

والله لو بعرف كنت حكيت .....بسسسسس لساتني بيبي وثلث دكتورة...

ادعيلنا نطبطب شي شوي.. وعنجد يسلمن عهالمواضيع المفيدة لو تناقشت تمام..

يا نجم يا حبيب قلبي ... قصدي أنه مريض الهضمية بالذات الأعراض و العلامات فيه على اتساعها و كثرتها دايماً دايماً بتخليك تفوت بقصة طويلة عريضة بس بالأخير ما فيك تنام على أمان بلا عدد من الاستقصاءات و يا ريت عدد بسيط ... لأنه مليان شغلات هضمية و خارج هضمية ....بتعرف بزماناته شفنا مريض بستاج الهضمية بألم وصفي جداً للGERD طلع معاها داء رتوج (يعني حدثية بالكولون) و هالحكي مو بس عنا كمان عند الإخصائي .... الشغلة بدها طولة بال

خطي هالمشحر يتيم و منصاب و مفتوق و معه قلس و معرض ليصير مريض ضغط و سكري و سرطان قولون (إذا كان عائلي).. يا حرام.. بس ما يكون حمصي لتكمل معه...

بما أنه محدا شارك... معلش أنا شارك بعد ما أطري على العرض المميز..
و لا بتضايق متل أنجل... لا ولو أنت ستارو ، كمان أنا كنت أحجمت لوشفت الفطاحل أمثال أنترنال الإنكليزي و جوني ووكر ، أو حتى بيوري الشطورة..مشاركين..

حاسة أنو معه إنسداد معوي خصوصا أنه عامله بهالعمر كم عملية، و يعاني من إمساك...... و لإتأكد بعمل تصوير ظليل ...

بس بما إنو ماوراي شي... رح كفي:

ألم في المراق الأيسر ....> ممكن يكون معه التهاب معدة ، قرحة معدية ، التهاب بنكرياس ، احتشاء الطحال ،آفات قولونية التي تصيب منطقة الثنية الطحالية من الكولون ...

طيب مافيني إطلب منه تحاليل.. لك نجم النجوم ابعتلنا كم مريض عالمخبر ... يعني منغعة مشتركة ..... يا لطيف عالمادية ..

ماميته كانت أي نمط سكري، أسمه شكل المريض مصأف لازم يعرف..
مو مشان شي بتعرف التأهب للنمط الثاني وراثي.. مو.....(بركدن معه شي حماض ^.^)
و كمان سرطان القولون قديكون عائلي... شو منستفيد...
يعني عم نحط كل الخيارات أمامنا...
(أصلا بجوز مكان الألم مضلل و يكون معه اضطراب بالكبد .. أو شو بعرفحك بجوز زايدة ^_^...)

هممممممممم...

ليك أنا رح إبعته يقيس الصيغة(الكريات البيض) مشان شوف العدلات التي ترتفع في الحالة الالتهابية....

و يقيس سرعة التثفل...(صح مانه نوعي ..بس معلش)..

بقسله الأميلاز و السكر.. لنشوف بنكرياسياتو...

و رح اتحرى عن خمائر الكبد SGOT و SGPT و ALP و GGT .. وإذا مفلس بخليه يقيس الثاني و الرابع بس...

شو كمان ...

ممكن أعمله بالتدريج إذا لم نكشف السبب: تصوير ظليل ... تصوير أيكو...و تنظير .. و بعدين بقسله الواسمات... و آخر الشي بيجيه احتشاء من كتر ما دفعته حق تحاليل و فحوصات و بيخلص من هالعيشة الصعبة ^.^....

بانتظار مشاركات الجهابذة..

أبو الجون...
شو هون مريض حقيقي حتى تخاف تشخصله غلط ...؟؟؟
خلص إنت حكي و نحنا منسمع..

عطيه فوستان بيروح الوجع (بحسب طريقة اكاديمية المشفى الوطني في علاج الحالات المشابهة )

أول شي بدي شارك بس ما حدا يلومني اذا في غلط ^^

استناداً لسؤال نجم :

بظن أنو لازم نعرف اديش درجة حرارتو و ضربات قلبو و ضغطو ..
وكمان نساويلو مس شرج لأنو معو امساك

ما عرفتوني صح ^^ .. يا ترى مين اللي منقلني ؟؟ ^^

في البداية شكرا اللك.هلأ في البداية في ناس او صيادلة لما يشوفو المريض هيك بيقولو عطي ابرة ديكلون وهون الغلط لانو الالم بيسكن وما عاد نعرف المشكلة من وين.في البداية بدنا نسألو الاسئلة المعتادة وانت مجاوب عليها طيب .الأجهزة المشكوك فيها في المراق الايسر هو الطحال لذا اقترح عمل ايكو بطن للمريض والتركيز على الطحال ووريد الباب .لا اعتقد ان الضغط سبب المشكلة.الامساك هلآ في ادوية بتعمل امساكات متل ادوية الحديد و المهدئات العصبية......انشاءالله يكون معلوماتي الصغيرة جداااااااااااااااااااااااااااااااااا مفيدة.....بالنهاية شكررا اللك بس بالحقيقة الطريقة يلي طلبوها الشباب انو تعرض المشكلة وهن يجاوبو ما زبطت لانو تعليقات الكل ليست وافية في تعليقات ضحك او مابعرف . مانو شغل بالمرة في ناس عم تراقب الموقع وعم تشوف التعليقات ديروا بالكم رجاءءءءءءءءءءءءءءءءءء....المخلص دوما رضااااااااااااااااااااااااااااااااااااااااااااااا

أولاً شكراً لكم على المرور

قبل طلب الاستقصاءات وقبل كل شيء الخطوة الأولى أكاديمياً بعد التعرف على المريض وسماع شكواه هو الفحص السريري ثم وضع تشخيص تفريقي يقرر الاستقصاءات الاخرى التي يمكن أن نطلبها (شعاعية مخبرية)

كل مريض أياً كانت شكايته يجب أن نتفقد علاماته الحيوية (ضغط , نبض , تنفس , حرارة )
وكانت كالتالي :
BP :الضغط الدموي : 180\90 mm Hg
HR :النبض : 100 bpm منتظم
RR : التنفس 20 بالدقيقة
الحرارة : 38 م
أحد الأسباب التي تدفع للفحص السريري للجهاز القلبي الوعائي أن مريضنا لديه ارتفاعاً في ضغط الدم ولديه سوابق عائلية بهذا الخصوص
JVP : النبض الوريدي الوداجي : 6 سم فوق الأذين الأيمن
ضربات السباتي رشيقة وواضحة بدون لغط وضربة القمة "القلبية" على بعد 7 سم وحشي الخط منتصف القص في المسافة الوربية الخامسة
S1,S2 جيدة بدون S3,S4 بدون نفخات أو أية أصوات زائدة

وطبعاً علينا فحص البطن : (تأمل جس قرع اصغاء)
بطن بارزة مع أصوات معوية نشيطة
بطن طرية سهلة الجس في الربع السفلي الأيسر بدون دفاع , لاكتل
امتداد الكبد لـ 7 سم إلى اليمين من الخط منتصف الترقوة
حافة الكبد ملساء قابلة للجس لـ 1سم تحت الحافة الضلعية اليمنى
الطحال والكلى غير مجسوسة
الزاوية الضلعية الفقرية غير مؤلمة
مريضنا أيضاً يعاني من امساك لمدة خمسة ايام متتالية فلابد من اجراء مس شرجي PR :
لا اصابات أو شقوق حول فتحة الشرج
توتر المصرة الخارجية سليم
لا توجد كتل ولا ايلام عند الجس
البروستات ملساءوغير مؤلمة و الفضلات بنية اللون مع وجود دم خفي

الآن ما هو التشخيص التفريقي لهذه الأعراض ونتائج الفحص السريري؟؟؟

يا جماعة أنا قصدي من هذه القصة ترسيخ أساس مقاربة المريض ومحاولة تشخيص ما لديه
baby girl : مية أهلا وسهلا فيك بس ليش لحتى ما تشاركي أكيد شايفة شي دكتور وهو عم يفحص
هي طارق شارك وبطمنك أنو مارح نقطعلوا راسو اذا أخطأ
بعدين الواحد اذا ما غلط ما بيتعلم صح؟؟؟ .... دخلك بدي أسالك وقت كنت سنة أولى ونزلت ع المشفى شو كنت بعرف؟؟؟

عكيد الداخلية جوني ( على اعتبار انترنال هو الزعيم )
عرفت شو بدي من خلال ردي ؟؟؟ يعني كان في عندي شغلة بدي وصللها قبل ما نشخص المرض باعتبار أنو الحالة مترجمة من أحد كتب الأعراض والعلامات
بعدين أنت اللازم تطول بالك .... تصور يجي لعندك واحد متل "ابراهيم " وتقللو حل عني يااااا.... أنا ناقصني مرضى هضمية تضربوا شو بضيقوا الخلاق

كمان أنا بانتظار تقييمك هلأ....
"The Queen "trrm
لو كان حمصي ما بمد ايدي عليه "بعدين بيتهموني أنو اللي قتلت أبوه وأمه " مابتعرفي شو بيطلع معهم
على فكرة في منطقية كتير بتفكيرك وقربت كتير ويمكنك وضع تشخيص تفريقي دون اللجوء إلى أي من الاستقصاءات الشعاعية أو المخبرية ثم يمكنك اللجوء للاستقصاءات لتاكيد ما وضعتيه من تشخيص تفريقي
والتحاليل التي طلبتيها بالفعل تطلب بشكل روتيني في العيادة الهضمية في المشفى الوطني
بس نحنا عم نهدف أنو نحط تشخيص تفريقي دون اللجوء لهذه الخطوة لانو كل ما قدرت تعرف شو هو المرض دون تحاليل أو أشعة بيرتفع "سكور فطحلتك" ( تررم تتمنى وضع قنبلة في فم نجم لأنه يضر بمصالحها )

شبلوط:

deathnote:
مشاركتك مميزة جداً وتستحق الاحترام حتى لو كنت متنقلها.... المهم أنو تتعلم اذا قابلت حالات مشابهة وما تقول أدام العالم-اللي بيفكروك بتعرف- "ما بعرف"
رضا :
كلامك منطقي كتير كمان وأنا برأيي أنو نتابع بهالطريقة "أسئلة واجوبة " ما في شي من أولو بيكون كامل
بعدين نحنا طلاب علم يعني عم نتناقش ونقاشنا بيحتمل الصح والغلط والشلف والتنقيل....المهم أنو بكرا وقت "ابراهيم"بيكون جايي العيادة يقول "شو هالدكتور هاد يحرس دينو شو قلبي حبو"

اي شباب أنا هاد رأيي وبالعودة لابراهيم واستناداً لنتائج الفحص السريري في عنا 3 أمراض بيدخلو بالتشخيص التفريقي
بانتظاركم ....

سلااااااااااااام

سلاااااااااااام

التشخيص التفريقي
1-سرطان كولون وخاصة بوجود الدم الخفي في البراز (وجود دم في البراز عند مريض كهل استطباب لاجراء تنظير كولونات )
2-التهاب رتوج (خاصة انو في حرارة )
3-التهاب كولون اقفاري (بيعمل ألم شديد لا يتناسب مع موجودات الفحص السريري للبطن ويسبب دم خفي لكن عادة بيترافق مع اسهال وليس امساك
4-احتشاء طحال
5-انسداد أمعاء (بس هون بدو يكون غير تام لانو انسداد امعاء تام لا يحتمله المريض عدة ايام )

لا تطول علينا

آسف عالـتأخير حكيم نجم

التشخيص التفريقي اللي براسي الان هو (( طبعا كلامو لا ياخذ به مجرد احتمالات يعني انا حاسس انو فيها تعفيس كثير ))

1 - انتقالات للكبد ( سبب الضخامة ) لو عرفان تراكيز خمائر الكبد كان ممكن أنفي أو أكد
2 - انسداد هضمي ( ما بستطيع حدد بس ممكن يكون انسداد بعائق صلب و بعتقد انو بنهاية السبيل الهضمي - يمكن كتلة برازية قاسية سببت تخريش المخاطية و سببت نزف في البراز و يمكن تكون متسببة بالتهاب ثانوي كسبب للحرارة - أو العائق كتلة ورمية )

ما خطر على بالي غيرن

بانتظارك

أولاً أشكر لكم مشاركتكم الفعالة في هذه القصة (ان شاء الله بكرا هيك بيدعيلكم ابراهيم

من قلبو ) وأخص بالشكر الدكتور بيور هارت والدكتور تررم وعزيزي غولدن

أولاً سأضع الجواب الذي ذكره الكتاب الذي أخذت منه المسألة
التشخيص التفريقي :

التهاب المعدة والأمعاء : من أعراضه غثيان واقياء واسهال ويمكن أن تصاحبه

حمى . ألم بطن ماغص عادة ما يتطور بعد الاقياء

مريضنا عانى من الغثيان ولكنه لم يصب بالاقياء أو الاسهال على الرغم من طول فترة الأعراض التي

عانى منها

التهاب الزائدة الدودية : أول ما يبدأ الالم البطني فإنه يتوضع حول السرة وبعد

حوالي الأربع وعشرين ساعة ينتقل إلى الحفرة الحرقفية اليمنى ويكون خفيفاً في بدايته ثم يشتد ويمكن اثارته

بالحركة أو السعال
ويعاني المريض من القهم والغثيان و اقياءات ممكنة
هذه الأعراض نجدها في التهابات الزائدة النموذجية وغير ذلك من الموجودات غير المعتادة عادة ما تصيب

أصحاب أطراف المرحلة العمرية (أطفال وشيوخ) ومريضنا ليس منهما
وعند انثقاب الزائدة سوف نشاهد علامات حيوية سيئة مع بطن متخشب
معابراهيم السيناريو مختلف فموقع الألم لم يتغيرمنذ بدئه و...و... وهذا ما

يجعلنا نستبعد التهاب الزائدة أو انثقابها
التهاب الرتوج :
ينجم من التهاب رتج منثقب في الكولون أكثر الأعراض شيوعاً :ألم في الربع العلوي الأيسر والذي يمكن

أن يكون على شكل مغص في بدايته ثم يتحول إلى ألم معتدل وحمى
الأعراض الأخرى :غثيان اقياء امساك اسهال عسر تبول تعدد بيلات
أكثر الأعراض شيوعاً الألم في الربع العلوي الأيسر للبطن ويمكن أن يتواجد علامات أخرى لاالتهاب البريتوان

الموضع
أما ما ذكرته الدكتور pure heart فقد حاولت البحث عنه لمناقشته على

اعتبار أننا لم نأخذ الأمراض التي ذكرتها فوجدت

حسب ماوجدت أن انسداد الأمعاء سوف يسبب ألم يزداد بعد تناول الطعام ويسبب نفخات وهو ما لا يتوافق مع

وضع ابراهيم
أيضاً ...

أيضاً بعد البحث تبين معي أن هذه الاصابة غالباً ما تترافق باصابة تقرحية مستقيمية غير موجودة عند

ابراهيم

the -golden :

أنا لم أقل أنه توجد ضخامة كبدية فامتداد الكبد (7)سم نحو اليمين وليس نحو

الأسفل ثم أنه لو كان لدينا ضخامة كبدية ظاهرة بالفحص السريري فإننا نوضحها بعبارة صريحة أولاً ثم نلجأ إلى

تقدير ذلك رقمياً قدر الامكان على ما أعتقد

هذا ما خلصت إليه
ونحن بانتظار تصحيحات وملاحظات تتعلق بالموضوع

شكراً لكم وإلى اللقاء مع مسألة أخرى

سلااااااااااااااااام

يعطيك العافية نجم...

وانا متلها

شكرا نجم احتمالاتي كانت فلجة

بالنسبة لضخامة الكبد أنت قلت انو الكبد مجسوس لواحد سم تحت الحافة الضلعية و هي ضخامة

على كل حال اللي بيعلم ما بيضر

لك جزيل الشكر أخي نجم بانتظار القادم ...............

بعدين اللي خصيتن بالذكر كلن دكاترة يعني ليش طالعتني براة انا زعلت خلص

يحرق حريشك يا دكتور غولدن هنن خلصوا تقريباً معقول نساوي حالنا فيهم علمياً ؟؟؟

بكرا نحنا منكبر ومنلاقي عالم أصغر منا تصحلنا دكاترة

لحقانين

سلاااااااااااام